السلام عليكم ورحمة الله وبركاته

اخواتي العزيزات ..

انا حامل في الشهر الثالث .. وبالضبط في الاسبوع 11 وكم يوم.. امس كان عندي موعد في المستشفى ويوم سألت الطبيبه اذا يبين في هالوقت جنس الجنين .. قالت لي شو عندك قلت لها لا انتي قولي لي قبل ..قالت لي ولد .. قلت لها عندي 3 ولله الحمد..

هل ممكن يبين جنس الجنين في هالوقت .. وهل ممكن يكون خطأ..

صح اني انا كنت اتمنى بنت وزوجي بعد يتمنى بنت وأولادي بعد يتمنون ان الله يرزقهم اخت ... لدرجه اني لما قلت لولدي احمد 5 سنين قلت له في بطني ولد قلت يمكن يفرح عشان بيكون له اخو .. قال لا ماما قولي ل الله يعقه ويعطينا بنت .. قلت لا حبيبي الله عطانا الولد بيكون اخوك .. قال لي لا ماما انا قلت لج ابا بنت ..

انا ولله الحمد مب معترضه وراضيه باللي الله بيرزقني اياه بس ولدي قطع قلبي .. ومره كنا انا وزوجي نشوف المجد .. وكانا حاظين برنامج شطور اللي تقدمه بنت صغيره وساعات تسوي عصير ولا سندويش .. فا كانت تسوي سندويشات فا قال لي زوجي تخيلتها بنتنا ويالسه تسوي لنا .. والله هالكلام اللي متعبني

والله اني حبيته اللي في بطني حتى يوم قالوا لي ولد بس كنت اتمنى بنت .. تكون مثل صديقتي .. ويدلعها ابوها واخوانها يدلعونها .. اتمنيتها تكون محفظة قرآن تربي آجيال من حفظت القرآن الكريم.. ابغي امشط شعرها وتلعب بشعري .. تمنيت اني البسها الفساتين واختار لها فستان الزفاف .. واكون وياها وقت حملها وولادتها .. تعرفون زوجت الولد غير .. صح اني بحبها مثل بنتي بس بنتي حبها لي طبعا بيكون اكثر ..



بس حبيت افضفض .. وسأل هل يمكن يكون خطأ تحديد الجنس في هالوقت..

لا تحرموني من دعوه حلوه من قلوبكم الطيبه يمكن الله يستجيب لكم وتكون الطبيبه غلطانه..

الله يرزقكـ أختي بالصالح إن شاءالله

انا لما كنت حامل في الأول قالت الدكتوره انه ولد وانا كنت في الشهر الثالث ...
تقريبا مثلكـ ... ولما دخلت الرابع قالت بنت والخامس قالت بنت ... قالت لها
طيب كيف قلتي بالشهر الثالث انه ولد ... قالت احتمال يكون خطأ وهذا شي
وارد والسبب هو الحبل السري

إن شاءالله رب يرزقكـ بنووووته حلوووه صالحه بإذن الله
اذا الأشعة ثلاثية الابعاد أوربا عية مستحيل تخطأ
والله يرزقك اللي تتمنيه.
ممكن يخطى والله يرزقك بالبنت ان شاء الله
الله يرزقك الذرية الصالحة


الساعة الآن 09:23 .