سلام يابنات أنا عندي فكرة لمشروع ياريت تشاركوني هل هي فكرة ناجحة ولا لأ وكيف ممكن أبدأ .... طول عمري نفسي أقدم حاجة مميزة وجديدة بالبلد وأعتقد فكرتي بعد البحث جديدة .......... طبعاً أحنا في عصر الوعي وكل أم تفتش على الأفضل لولدها/ أو بنتها أساس الفكرة أنتوا عارفين انه وقت اللعب مهم في حياة أولادنا وبالتالي أختيار اللعبة يجب أن يكون على أساس أسألتي لك ايتها الأم:

كم وقت يقضي طفلك باللعب؟؟
هل تقضي معاه وقت في اللعب؟
هل تعتقدي أنه اللعب ممكن يؤثر على تطورالطفل العقلي والجسدي؟
هل التعليمات على العلبة كافية؟
هل الطفل يستفيد استفادة قصوى؟؟
كم لعبة تشتري لطفلك في الشهر؟؟
هل تعتقدي عندنا أرشادات كافية للأمهات ومحلات لعب تعليمية كافية بجدة؟
هل تحتاجي إلى دليل لإختيار أفضل لعب لطفلك من أعمار 6 أشهر إلى 5 سنوات؟

طبعاً أكيد بتقولي طب انتي ايش خصك أنا فكرت أعمل مجلة دورية من 18 صفحة توزع في العيادات والمدارس المجلة حتكون دليل شهري للام عن أفضل لعب منتقاه للأعمار المذكورة أعلاه.... وكيف ممكن تستفيد منها الام وايش المهارات اللي تنميها ... يعني حأعمل مسح شهري للأماكن التعليمية (جرير، تهامة، التعليم المبكر، تويز ر أس ، فناتير ، المثلث) هذي اهم أماكن وأنتقي ثلاث لعب لكل فئة عمرية وتحلل.. باللإضافة إلى ووجود مقالات مترجمة من مجلات اتجليزية مش متوفرة بالبلد ونصائح للأم ، أفكار لألعاب داخل البيت يقوم بها الأب أو الام ووصفات أكل للأطفال...الخ

سؤالي:
ايش رأيكم بالفكرة؟؟
أنتي كأم ممكن تشتري مجلة زي كده وكم تدفعي؟ ولا تبيها ببلاش
كيف ممكن أبدأ؟
هل ضروري تصريح وزارة الإعلام؟
ايش ناقص لنجاح الفكرة؟
ايش الإسم المناسب للفكرة؟؟
ايش الجهات اللي ممكن تساعني ولاتقولولي غرفة تجارية مافادوني.

بالنسبة لي ممكن تسألوا ايش شهادتي ومين أنا علشان اتفلسف أنا أم خريجة أداب انجليزي ومصممة مبتدئة وعملت 6 سنوات في مجال تطوير الموارد التعليمية للأطفال المصابين بتاخر لغوي وعندي كمية كتب عن الالعاب لا تتخيلوها فايش رايكم ورجاء لاتطنشوني لانه كلامكم حيساعدني وأنا فعلاً نفسي أعمل شيء مميز يفخر بي والدي ووالدتي. يابنات أنا الفكرة حاسها جديدة بس أنا مشكلتي بالبداية التصميم ممكن أنا أصمم وأنا ممكن أترجم بس محتاجة وحدة لتحرير المقالات وانتقاء المقالات معايا...... لأسوأ الإحتمالات أنا ممكن أعملها مجلة على النت بس كيف ممكن أبدأ أنا مشكلتي البداية وعلى فكر ة مبدئياً اسم المشروع baby smart start

انتظر أرائكم الصريحة وإذا اي احدة ممكن تساعد او تشارك تراسلني، وأنا أقلكم صراحة أنا أبغى شيء في فائدة للمجتمع ودخل مادي لي



ماأحلل أي واحدة تاخذ الفكرة

تصدقين لما اشوف برامج امريكيةواشوف مدى التطور الاقتصادي والاجتماعي اللي عندهم انقهر........ واقول ليه احنا نايمين في العسل... احنا نكرهم بس ليه ما نكون احسن منهم..
فكرتك لو كانت بامريكا كلن لقيتي الف من يدعمك فيها ,,,لكن هنا تطوير الاطفال نعتبرها من الكماليات ....
لكن انا اعتقد ان جيل الامهات الان ممكن يستفيد من هذه المجلة اما عن رغبة بتطوير اطفالهم او مجرد فشخرة
انا معاكي بالفكرة والمجتمع قاعد يتغير....وانا اول وحده راح تحتاج لهذي المجلة....
كيف ممكن تتسوق؟ والتصريحات اللي تحتاجيها بسألك عنها وارد لك خبر.....
طيب ما جربتي ان شغلك يكون في صفحات من مجلة معروفة.. ]اتمنى لك كل التوفيق واحنا نفتخر باللي مثل فكرك..
سولاف 2005 تسلميلي على الرد حبيبتي ويارب الاقي مين يساعدني لأني متخبطة ومترددة وأنا محتاجة قبل ماأبدأ المشروع تطوير ذاتي وشخصيتي ويكون عندي عزيمة أكثر وبالنسبة لإقتراحك أكتب بمجلة معروفة أنا بالغرفة التجارية نصحوني نصيحة لو ما أكون مدعومة صح وبأدئة بالفكرة وناجحة لاأعرضها لانه الفكرة مبتكرة وأي مجلة ممكن تنفذها بشكل محترف عني وفي الاخير أطلع من المولد بلا حمص وأموت قهر
الله يوفقك إن شاء الله وييسر لك أمورك توكلي على الله وإن شاء الله مشروعك يلاقي النجاح والأزدهار
دمتي بصحة وعافية
شوفي عزيزتي...........انت بالاول لازم تروحين لوزارة الاعلام حتى تحصلين على تصريح لما تريدين نشرة
لان اي شيء مقروء او مسموع او مرئي هنا بالسعودية قبل نشرة يحتاج لهذا التصريح............... ] لايمكن ان يطبعون لك المجلة بدون هذا التصريح. وهم بيقولون لك وش تحتاجين من سجل تجاري واي شي ثاني....................م ن ناحية انك خايفة ان فكرة المجلة تنسرق لا تحطين هذا الهاجس براسك انتي عندك شي يميزك وهو حبك وخبرتك وكمية المراجع اللي عندك....واحساسك بالخوف والتردد طبيعي وصحي...........(على قدر اهل العزم تأتي العزائم) .....يالله نستنى نسمع عنك اخبار حلوة والله يوفقك وييسر لك امرك...


الساعة الآن 08:09 .