Analysis Services
بصراحه فكرتك اكثر من رائعه

لكن مع الاعتذار من الأمهات (طبعاً اللي معتمدات على الخادمات)


فانا اقول لك اطرحي المشروع على الخادمات

لأنه للأسف 80% من الامهات تعتمد على الخادمه بتربية الاطفال


واعتذر مره ثانيه

لكن هذا هو الواقع

بالتوفيق للجميع
04-05-1429 هـ, 11:54 مساءً
 
فكرتج حلوه وانا مع السعي والنشاط واشجع الافكار المبتكره.. لكن في شغله.. بس ما اريدج تحبطين!!

اي مشروع تفكرين فيه اكيد بيكون على اساس المهارات والخبرات الي عندج وما شاء الله باين عليج ملمه بهذا الجانب..
لكن الجانب الربحي للمشروع نفسه ما اتوقع بيكون كبير وطبعا الربح معناه الاستمرارية والتوسع اكثر واكثر..
وفكري فيها.. تقريبا كم لعيه جديده تدخل السوق في منطقة الخليج اسبوعياً؟؟ ومحلات الالعاب كم عددها الي تغير بضاعتها اسبوعيا او شهريا؟؟ غالبا يكون المخزون ثابت والجديد كم لعبه؟؟ وكم ساعة من اليوم بتخصصينها بس للبحث والدراسة وفوق هذا عندج التزامات واولاد وبيت؟؟ والفئة الي بتبيعين المجله عليها مستواها الاجتماعي؟ وسعر المجله في المتوسط من 5 الى 10 ريال طيب والنشر؟؟ والمطبعه؟؟لازم تفكرين بالجوانب كلها..

وفي موضوع ثاني اغلب الالعاب عليها حاليا العمر المناسب الي تنصح فيه؟؟ فهل انا بحتاج للمجلة كدليل تسويقي؟؟
والله ما قصدي احبطج واعرف انج حابه الفكره بس اوضح لج امور عشان ما تتعبين بعدين..
واذا انتي عندج هذا الاهتمام بالطفل ليش ما تفكرين في مشروع حضانه للامهات العاملات؟؟ وكبداية ابدأي بغرفة في البيت واستقبلي عدد بسيط وسن اطفال السيطرة عليه معقوله وبعدين توسعي باضافة مربية مثلا وعلى كفالتج.. وبعدين زيدي الغرف.. او استاجري مكان .. ليش لا؟؟ الطلب على الحضانات كبير وفي امهات ما تحصل مكان مناسب وادارة ثقه..
واي فكرة تناقشينها انا حاضرة!! بس خلي عندج طولت بال واستحملي صراحتي
وبالتوفيق ياعمري
05-05-1429 هـ, 08:29 صباحاً
 
اقتباس مشاركة  (بحر الزين1)
بصراحه فكرتك اكثر من رائعه

لكن مع الاعتذار من الأمهات (طبعاً اللي معتمدات على الخادمات)


فانا اقول لك اطرحي المشروع على الخادمات

لأنه للأسف 80% من الامهات تعتمد على الخادمه بتربية الاطفال


واعتذر مره ثانيه

لكن هذا هو الواقع

بالتوفيق للجميع
مش كأنج الغالية مبالغه 80% !! تساعدها معقوله لكن بدون اعتماد..
05-05-1429 هـ, 08:33 صباحاً
 
أختي المشرووع ناجح جدا جدا
وأنا مستعده أمولك واكون شريكه لأانه لدي مؤسسة تجاريه وسجل خاص بماتحتاجين وبعد ذلك
ونتفاهم
05-05-1429 هـ, 01:17 مساءً
 
مره الفكره حلوه واحنا محتاجين لزي كذا مجلات . بس احس ان 18 صفحه شويه على مجله ولو تضيفين مقالات تتكلم عن كيفية تربية الطفل يعني الطفل العنيد كيف نتعامل معه وش الالعاب المناسبه له الي تحد من عناده وش الالعاب الي نتجنبها ايضاً الطفل الخجول كيف ننمي عنده الثقه في نفسه وش الالعاب المناسبه له ! وطبعاً تكون بشكل مبسط وعلى شكل خطوات احسن من انها تكون سرد!! واتمنى لك اتوفيق في مشروعك وانا والله كان ودي افيدك بس الصراحه ماعندي اي معلومات او خبرات في هالمجال!!!
05-05-1429 هـ, 05:37 مساءً
 


الساعة الآن 01:12 .