بسم الله الرحمن الرحيم
السلام عليكم ورحمة الله وبركاته
في ايام الثانويه وفي الاختبارات بالتحديد
عندمايكثرالفساد ولااعلم وش قصة الفساد مع الاختبارات
كان ابوي يوصلني المدرسه ومره قلت له ابوي لاتجيني اليوم بجي مع بنات خالتي مشياعلى الاقدام
اتفقت مع بنات خالتي اني اوقف لهم عندباب المدرسه
وانافي بالي اقصد باب المدرسه الابتدايه الي ملصقه بمدرستنا
وهم في بالهم باب مدرستنا
المهم انصرفناوقفت عندالباب انتظروطال الانتظاروطبعاماعندي ساعه
فجاه لاحظت مافي ولابنت
عصبت ليه بنات خالتي تاخروا في المدرسه هذي عادتهم
رجعت المدرسه انصدم ان باب المدرسه مقفول
يالله مالي الاارجع البيت على قدمي
يالله الشارع خالي تمامآمافي غيري
مشيت شوي الايجي ولديسيارته وفتح باب السياره
ويقول ادخـــــــــــــلي معصب بعد
الحمدالله مامعه ولد كان سحبني عبايتي ورحت فيها
بس مادري ليه قال كذا واناحتى عيوني ماطلعتهافعلاكلن يرى الناس بعين طبعه
يمـــــــــــه شكله يخلع بلد
ووجهه كله حفروحبوب ولابس ثوب نوم
اناماصدقت معقول فيه احدقليل ادب وجرئ لهذه الدرجه الشارع كله محلات
المهم رجعت يالله وين اروح المدرسه مقفله مالي الاالمسجد
رحت وقفت على باب المسجد وابكي وادعي الله انه يخلصني منه
وفيه استراحه مقابل المسجد جاءالولدونزل من سيارته وجلس برا الاستراحه على كرسي
وحاط رجل على رجل ويطالع في
يوم شفته زادبكاي حلمي اني اشوف انسان يمشي
وقفت وطولت وبعدين قلت ابروح البيت واول مامشيت سبقني على سيارته
وعرض سيارته وفتح الباب اتفضلي
رجعت لباب المسجد وكملت بكاي ودعائي يارب ارحمني وفكني من هالوحش
ورجع جلس على الكرسي قدامي
وانااكثرمن ساعه واقفه يارب احديمر
يالله وش اسوي جافي بالي اروح البقاله واتصل على ابوي
واقوله يجيني وفعلارحت البقاله بدموعي
اول مادخلت الاهوداخل من الباب الثاني ويقول وش تبغين
وطلعت بسرعه خفت صاروا اثنين بنقالي وحرامي بنات
ورجعت لمكاني وصرت ابكي بصوت عالي
خلاص مافي مفريارب رحمتك
فجاه اسمع صوت احد يتكلم والتفت والقى ثلاث بزارين تشاديه يلعبون
فرحت مره كاني اشوف ملاك يمشون في الارض موبزارين
سبحان الله كانهم مرسولين لي ناديتهم تعالوا الله يخليكم اوقفواجمبي وقفوا
ثم رجعت للبكاء ويقولون ايش فيك تبكين اقول لهم مافي شي بس بالله لاترحون عني
عشان اعطيكم عشره ريال
جات في بالي فكره وطلعت ورقه وقلم وكتبت رقم بيتناوقلت لواحدمن البزارين روح اتصل من البقاله وقول لابوي يجي
بس يارب مايلحقه الكلب وياخذالورقه
والحمدالله نجحت الفكره وراح الولد ومامرت خمس دقايق الاوابوي عندي
وركبت السياره وللاسف من الفرحه نسيت اخذمن ابوي فلوس
واعطي البزارين الي وعدتهم
رجعت البيت ساكته ماابغى اعلم ابوي وامي
دخلت على اختي وهي نايمه واناابكي قومــــــــــــــــــــــي
ايش فيك كنت ابنخطف كيف وعلمتهاالقصه وقعدت ابكي والخوف ذبحني
اختي تقول طيب خلاص الحمدالله مانخطفتي
بس كنت ابروح فيها
الحمدالله ربي فكني من الوحش يمكن صلاتي للفجرانقذتني بعدرحمه الله
بعدايام اكتشفت انه بيته جمب المدرسه مريت جمب سيارته وتفلت عليها
وبنت خالتي تبغى تكسرالقزاز قلت لهالافكينامنه
لواتجرئ اقول لاخواني اخليهم يكسرون القزازويفقعون كفارته بعدلان المدرسه قريبه من البيت
والحين بقول انتبهوا لاخواتكم من الخطف وصلوهم لحدالباب
والله حتى السوق فيه بلاوي
وانتوا يابنات
اذرحتي السوق لاتروحين لوحدك ولاتدخلين محل فاضي انتبهي
والله كثرهذه الايام خطف البنات والعيال
جاء لاخوي بلاغ قبل فتره
بنقالي خاطف بنت بالابتدائي
يجري وراها دخلت عمارتهم وكانت كبيره كم دور
وماشرد عينه قويه لابعددخل العماره والبنت تصارخ وتبكي وسمعوا اخوانها الصراخ ونزلوا
لقيوه ماسكه في المدخل ضربوه وبعدين اخذوا للقسم
منقول للامانه
وانا يابنات حبيت انبهكن ونقلت الموضوع من منتدى ثاني
دعواتكن للانسه ريلاكس
تحياااااااتي
آنسه ريلاكس @ansh_rylaks
محررة ماسية
يلزم عليك تسجيل الدخول أولًا لكتابة تعليق.
فعلا الحين لازم الوحده تنتبه انا صار لي موقف بغيت انخطف فيه كنت بسوق شعبي معي اختي ودخلنا زي الحاره ضيقه مره لان وراها محل كنا نبغاه ومر من جنبنا هندي بغى يخطفنا بس الله ستر وصلنا للشارع الي فيه ناس قبل يسوي شي والله يابنات جتنا عقده بعدها موقف مستحيل انساه مع ا قبل كنت مابالي ابد بس بعدها صرت خوافه وانتبه زين
الصفحة الأخيرة
الله يحرسنا وخواتنا وعيالنا واهلنا وجميع المؤمنات يارب