السلام عليكم ورحمة الله وبركاتة

قرأت في المنتدى مواضيع و اكلات مرة حلوة
لكن يبغالها شغل طويل عريض خصوصي للي عندهم دوام

ابغى احد يعطيني حلول لمشكلتي في الطبخ

اشوف صاحباتي الي تقول انا ما اعرف اطبخ ناخذ من برى


والثانية تقول انا اطبخ من الليل *نفسي اسوي زيها بس ابغى طبخات من الليل*

بانسبة لي انا اجي من دوامي الساعة 12 ونص وزوجي عنده دوامين الاول يخلص منة الساعة2 ونص ويبدأ في الثاني الساعة 4

اتمنى اني اكون وصلت لكم مشكلتي .................. وياليت تساعدوني

مرحبا ام رااااما جذبني موضوعك انا مومضفه لاكن اشوف ماما اول ماترجع من الدوام على طووووووول على المطبخ ونفس توقيت خروجك من الدووام وبابا نفس الشي نفس توقيت زوجك والله انها تطبخ نوعين من الاكل واحد لنا انا واخواتي والثاني لبابا بس ماشالله عليها سريعه في الطبخ الاحظ انه دايما في الصباح تقوم تحضر اللحم او الدجاج وتحطهم في مويه ونفس الشي مع المفرووم والخضار والحلى نفس الشيء من الصباح يعني تقم تصلي الفجر وتحضر لنا الفطور وتجهز للغدى من الصباااااح
انا الحين متزوجه وهي على حالها هذا ****لله ربي يرزقني بوضيفه واسير زي امي
اهلين أم راما...

موضوعك شيق..أنا مو موظفة حاليا بس كنت ادرس بالجامعة أول ماتزوجت..وماشا ء الله انوع وأشكل على استطاعتي..

مثلا عندك..
تتبلين دجاج من الليل لحاله..وتقطعين معه بطاطس وتحطينه بومية وملح هذا بروستد وممكن تسوينه بالفرن مشوي بالشواية

ممكن تجهزين لك صينية خضار وتسوينها ثلاث أرباع سوى ومن بكرة تكملين عليها

وممكن وهذا أكثر شي نفضله أحنا السعوديين تشيبن على لحمتك أو دجاجتك وانت تتجهزين الصباح وقبل ماتطلعين سكري عنها وراح تكمل سوى بالحرارة واذا رجعتي كبي رزك يعني بتكونين قطعتي نص المشوار..وفي هالوقت سوي سلطة او ايدام أو حلى سريع مايحتاج تبريد كثيير..

وممكن تسوين خضار مرق بقطع لحم من الليل بعد نص سوى ومن بكرة تسوين قرصان أو تاكلونةه مع خبز يعني تشكيييل

وممكن تسوين جريش على نار هاااااااااادية بس انا ماقد جربتها أخاف أطلع والنار والعة..بس اعرف كثيييييريييين يسوونها

وممكن تسوين شوربة عادية أو شوربة بيضاء بالدجاج والخضار روعة ومايبين فيها أبد لانها ماغرف منها شيي,,
وفيه اشياء كثيرة تساعدك على السرعة في الطهي منها قدر الضغط مرررة يجنن وسريع مرة والاكل فيه له نكهة مميزة ماادري ليش؟؟
وممكن تستخدمين المثلجات مثل الكباب والكبة والبرغر والفيلية تساعدك كثييير ومن باب التشكيل..يعني روحي لجيان ولاهايبر بندة ووقفي عند الثلاجة وقشي هههههه فيها اشياء كثيييرة وروعة عندهم..

وممكن تستخدين صدور الدجاج او اللحم المفروم دايما لأنها اسهل في الطبخ..ومعلوة استفدت منها واحب افيدك الخل الابيض يساعد على السوى ويضفي نكهة حلوة خصوصا للحوم عامة...ويكفي ان الرسول صلى الله عليه وسلم قال عنه(نعم الادم الخل)
وممكن تسوين سمك بالفرن او مقلي يعني السمك ماياخذ وقت بالطبخ...واااشيا ااااء كثيرة بس هذا الي اسعفتني فيه ذاكرتي ...

وبعدين زوجك مايطلع الا2يعني ساعة ونص كافية تسوين فيها كل شي ماشاء الله تبارك الله

اتمنى أكون افدتك عيوني وأي طلب أنا حاااااضرة وبالخدمة..
ممكن تسوين اطباق المكرونه مثل مكرونه باللحمه المفرومه او مكرونه بشامل او مكبوسه بالدجاج كلها سهله وتخلص بسرعه وتناسب وقتك والصواني حلوه تجهزينها بدري او تسوينها نص سوا كبسة دجاج بس اللحم ياخذ وقت جهزيه من الليل واشياء كثيره لين تذكرت شي ثاني كتبته
حبيبتي انا نفس الشي موظفة
بس السالفة مايغاله الا شوية تخطيط
طبعا في السعودية اعتمادنا الكامل على الرز كوجبة رئيسية
وعموما انا ما اشجع على الطبخ من الليل وتسخين يوم ثاني احسة بايت
عشان كذا انا اجهز الايدام من الليل مثل بكرة راح اسوي كبسة اقوموجهز الصلصلة واحط الدياية واسلقها بعدين احطها في الثلاجة
والصباح اغسل الرز واخلية ينقع واذا رجعت كملت الطبخة وتطلع طازجة ولذيذة
عموما الخطوات اللي اتبعها عشان اختصر الوقت
1- اذا جيت اطبخ الايدا اسوية مقدارين اسوي نص الدياية او اللحم و الباقي احطة في الفريزير عشان عشاء او يوم اكون متاخر
2- احمس كمية كبيرة من البصل تكفي اسبوع كامل واحطها في الفريزير عشان ما اضيع الوقت ولا احتاج اني اتسبح كل يوم
3- اشتري ربيان 0 الجمبري) وانظفة واقشرة واحطة في الفريزير لانة سريع في الطبخ
4- اقطع الفلفل الاخضر والكوسى والقرع وافرم البقدونس والكزبرة واحطهم في الفريزرز
والله يعينك ان شاء الله


الساعة الآن 12:14 .