ّ.. السلاااام عليكم ورحمة الله وبركاااته ..ّ

حياااكم الله نورتوووووو يااحلى بنات بالعااالم

الخفايف اللي انا مسويتها تشبه طريقة اختي هند

لكن بطريقتي اناا وان شالله تعجبكم ..

اول شي بوريكم الاطباق كامله وبعدها بنزل الطرق بالتفصيل الممل



هاا ايش رايكم .. بصراحه طلعت لذيييذه وخفيييفه تصلح لاوقات الجوع السريعه

سويت كاسات خبز الصامولي بحشوة اللبنه

ولما فرغت الصامولي ماقطيت اللي داخله سويت فيه الحلى

لان حراام النعمه تنرمي وانا اقدر استغلهاا

وبطاطس بيتزا هت وطلعت رهيييييبه حطيت لجارتنا من الاكل ودقت

تشكرني وتطلب مني الطريقه والله العظيم ..

.......

ندخل بالتفاصيييل ... شمرووو ويلاااااا معااااي

جيبـي خبز صامولي انا استخدمت اربع حبات صامولي

وقطعيه بالعرض وفرغيه واركزيه بصينية فرن زي اللي بالصوره



حمريه بالفرن بس من فوووق نسيت اصوره بعد التحمير

مومشكله ((بس لاتطفين الفرن خليه شغاال )).. الحين نسوي الحشوه



لاحد يرد ياحلوااااااات


ملعقه صلصة رانش ,, وعلبة لبنه انا حطيت المراعي بس اللبنه التركيه احلى مليوون مره

جربوهاا والله لذيييذه مو واضحه بالصوره منخشه ورى ,, وملعقتين جبن كرفت

وملعقه مليانه مايونيز ,, وشوية ملح وبابريكا وفلفل اسود ,, وحبة خيار مبشوره ..

والجبنه اللي بالصحن هذي خليها اخر شي ,, عباره عن كرفت شيدر مبشور

عشان نرشه على الاكواب اخر شي ..



ونخلطهم زين ..,,



ونحشي الاكواب ونرش الجبن تشيدر المبشور فوقهم

((ونطفي الفرن)) الحين ندخل الصينيه الفرن عشان الجبنه تذووب

وهذي الصينيه بعدما طلعناهاا من الفرن..,,



وبالعاافيه ,,,
..............

يتبع لاااحد يرد ياحلواات


طريقة حلى الصامولي .,,

انا اخذت اللي داخل الصامولي والحلى نفسه يبيله حبتين صامولي كاملتين



وطحنته زييييين ممكن بالخلاط بس انا خلطته بخلاط البن زي اللي بالصوره



جيبي صحن عميق << حلوه عميق .,, واخلطي فيه حبتين بيض

وملعقه صغيره فانيليا وبيالة شاي سكر ومثلها زيت ومثلها حليب سائل

واخلطيهم زييين ...,,



حطي الصامولي المطحون معهم واخلطيهم زين واخر شي حطي ملعقه

حقت الحلى ونص بيكنج باودر ,, وصبي الخليط بصينية بايركس كبيره و مدهونه



وبالفرن من تحت اليييين تستوي ماراح تطول ,, وبعدما تستوي ولعي عليها من فوق

شوي بس لاتخليها تحمر واجد شوي بس .. ولاتخافين المقدار مناسب للصينيه

هي راح تنتفخ بالفرن انا مااحبها تكون سميكه .. وهذي بعدما طلعناها من الفرن



اخلطي حبة قشطه و3 ملاعق ملياانه نسكويك وملعقة سكر

وادهني الصينيه فيه بس لااازم تبرد انتبهي لهالنقطه ..,,



وبالثلااجه الييين تبرد ممكن تحطين فوقها فليك ...

وهذي قطعه منهاا



شكلها يكسر الخااطر لوحدها


وطريقة بطاطس بيتزا هت ,,

بطاطس مقطع قطع متوسطه نضعها بقدر وبصحن ثاني نخلط كوب دقيق

وملعقه كبيره بيكنج بودر وملعقه بابريكا ومثلها كركم وشوية ملح

نخلطها جيدا" مع الماء الين يتكون لدينا خليط متوسط السمك يوضع عالبطاط

ويقلب جيدا" نغطيه وندخله الفريزر نص ساعه ,,

نطلعه ونقليه بزيت حار يصفى ويقدم ,,...




وبالف عاافيه عليكم طولتها وهي قصيره السمووحه منكم

وهذي السفره كاااااااااااااامله قدمتها مع الشاي والقهوه

لي ولخواتي بس ,,,..

ان شالله تعجبكم وتطبقونها ..,,



جزاكي الله الف خير

وحيده على تصغير الصور وياارب تتوظفين

واشوفك عروس يااارب تحققلها كل اللي بخاطرهاا

والعنود بنت سعود معهاا يااارب


دعواتكم بناااات ...









الساعة الآن 05:36 .