السلام عيكم ورحمة الله بركاته
اخواتي العزيزات
كيفكم وش اخباركم
بدخل في الموضوع على طووووول
انا مره كنت اقرأ في هذا القسم ولفت نظري
توقيع احدى الاخوات المبدعات إلي هو صوره فيها ساندوشيات اشكالها تاخذالعقل
دخلت الموضوع كان اكثر من رائع المهم انه كان فيه طريقة عمل التوست في المنزل وبدون الصينيه الخاصه لها
كانت حاطته فيه قدر صغير وراشه عليها حبه سوداء وطالع شكل التوست دائري يجنن وانا ضيعت الموضوع
ودورت عليه وما لقيته إلي تعرف الطريقه ولا الرابط ترد علي الله يسعدها ويحققلها كل ما تتمنها
05-05-1429 هـ, 12:35 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تفضلي


..
العجينه
2 كوب ونص دقيق ابيض
كوب ماء
ملعقه ونص صغيره خميره فوري
ربع كوب ماء دافئ مذاب فيه ملعقه صغيره سكر
ملح ملعقه صغيره
اناء فيه ماء
الطريقه
تذاب الخميره في ربع كوب الماء الدافي
تترك لتتخمر

يضاف الملح الى الدقيق ويعمل حفره في النص
يضاف كوب الماء والخميره
يعجن جيدا ونستمر في العجن لان العجن يجب ان لا يقل عن 10 دقايق
اذا كانت العجينه جافه نبل ايدينا بالماء ونستمر بالعجن حتى يختفي الماء تماما
ثم نبل ايدينا ونعجن وهكذا حتى نحصل على عجينه ملساء وتميل الى القساوه
يعني ما تكون طريه زي عجينة الفطاير
نستمر في العجن حتى يرجع الاناء اللي عجنا فيه نضيف كانه ماعجنا فيه لان
العجين اذا خلص وصار جاهز بيترك جوانب الصحن ومابيكون يلصق باليد
وناعم واملس
تبل يد بالماء ونمسح على العجينه ونكورها
ندفي الصحن اللي راح نحط فيه العجين

نغطيها بكيس بلاستك ونلفها بمنشفه اوبطانيه صغيره ونخليها على جنب تتخمر
لمدة ساعه مش اقل من كذه ولا اكثر
انا اضبط ساعة الفرن عشان ينبهني اذا مرت ساعه
اذا زاد الخمير بيطلع الخبز فيه لب من جوه بعد الخبز ويميل الطعم الى الحموضه
واذا نقص الخمير بيطلع السطح منقط اثنا الخبز يعني مايكون محمر لون واحد
لابيكون التحمير على شكل نقط صغيره مثل النمش في الوجه

بعد مرور الساعه
قبل ما تبدائي بتقطيع العجين شغلي الفرن من فوق وتحت وحطي صاج
الفرن قريب السطح يعني في رف الفرن الاخير او اللي قبل الاخير
وتسكري الفرن حتى يسخن الصاج تمام ويكون الفرن على اعلى درجه انا خبزت في الفرن الكهربائي على 300 درجه
نرجع للعجين
تقلب العجين على الرخامه وتعجن عجن خفيف فقط لاخراج الهواء منها
تقسم الى قطع متساويه حسب حجم الخبز اللي تحبيه
..


التوست الدائري





نفس عجينة ساندوتشات الهامبرجر ونفس طريقة اللف

اذا عندك صينية فرن عميقه ومتساوية الطول مثل الاسطوانه
استخدميها
انا هنا استخدمت قدر صغير المونيوم عندي (قدر عادي يتخدم للطبخ )
ندهنه بالزيت ورش خفيفه دقيق
ونحط العجينه بعد فردها ولفها


لازم كمية العجينه تناسب حجم القدر
واعملي حساب انه العجينه راح ترتفع الضعف
لازم العجين ترتفع الى مستوى السطح وما تزيد لانه عند الخبز راح ترتفع كمان



خلي التخمير يكون اقل من اللي بالصوره ان كنت بذاكر لابني فنسيت وتخمرت زياده

تخبز وتاخذ وقت في الفرن لانها عاليه وانا حطيتها النص ساعه الاول على درجه
200والنص لساعه الباقيه على 170 درجه

بعد ما تتوي وتتحمر تترك لتبرد خمس دقايق ثم تقلب على رخام نضيف
تلف في منشفه نضيفه ولا تقطع الا بعد ان تبرد تماما



يزال الراس الزايد (يقطع بسكين منشار)



وتقطع شرايح
05-05-1429 هـ, 01:02 صباحاً
 
والله عملت لفه في قسم المعجنات مالقيتها مع اني شايفتها قبل كذا

***** الله تلاقي وحده تفيدك
05-05-1429 هـ, 01:07 صباحاً
 
مشكوووووووووووووووووووووووره ام عبادي الله يعطيك العافيه
05-05-1429 هـ, 03:02 صباحاً
 
dana_loov يعطيك العافيه عالمرور
05-05-1429 هـ, 03:03 صباحاً
 


الساعة الآن 07:31 .