اختي انا جربت طرق وايد لحد مااخذت مقادير عجينه من وحده الله يجزاها خير واضفت عليها والحين الكل يسال عنها ومن يومها وانا ماغيرت وهي :
المقادير كميه كبيره انا اسوي نصها معجنات ونص سينامون رول:
2 علبة حليب سائل ربع لتر
2 بيضه
1 ملعقه كبيرة خميره +ماي دافي شوي وذرة سكر تخلط وتترك
1 ملعقه وسط بيكنغ باودر
5 ملاعق كبيره سكر
1ملعقة صغيرة ملح
نص كوب زيت نباتي
1 كيس دقيق الكويت ويعادل 6 اكواب تقريبا
اول شي تخلطين الحليب والبيض واذا عجانه افضل وبعدها الخميره والسكر والزيت والبيكنغ باودر والملح وبعدها نضيف الدقيق شوي شوي ونعجن غطيها واتركيها ساعه........قسمي العجينه الى قسمين نص بيتزا ومعجنات مالحه والنص الثاني سينامون وانا مثل ماقالوا البنات احشي الكميه كلها كل نوع بصينيه واغطيه بقصدير ربع ساعه اشيل القصدير واحطه بفرن حار خمس الى سبع دقايق مو اكثر
وللبيتزا لاتشغلي الفرن من فوق اما المعجنات الثانيه شغليه بآخر دقيقتين..........جربيها وادعي لي بالحمل بذكر صالح اخ لوحيدي وبالعافيه
06-05-1429 هـ, 08:50 مساءً
 


الساعة الآن 02:46 .