Analysis Services
ماااشي أحلى من الهال والزعفران فيها.. والناس أذواق وكلن يختلف بذوقة بالنسبة لمنكهات القهوة..

انزين أختي ماعرفتي شو اللي فيها من الريحة؟؟! وانشالله الخوات بيفيدونج..
26-08-1424 هـ, 05:54 مساءً
 
صدقتي اختي المسافرة مافيه احلى من الهيل والزعفران بس الواحد وده بشي جديد انشاء الله باسال ورد عليك
29-08-1424 هـ, 12:05 مساءً
 
طيب اللي تعرف شكثر احط شيبة بالحمس والمستكة تعلمني بالله
01-09-1424 هـ, 06:08 مساءً
 
هلا أم بيلسان

قهوتي ما أضع فيها لامستكه ولا شيبه

فقط زعفران وهيل وأحياناً قرنفل

لكن نصيحه ::
خذي قهوة الهريري اللي بكيسه عليها كتابه خضراء باشنفر

وبعدين نقيها من الشوائب والحصى والحبات الفاسده

وبعدين أما تضعينها بصينيه وتضعينها بالفرن على نار هادئه وكل شوي تحريك
او تشترين المحمصه اللي بالسوق وتريحي حالك !!

ومن ثم أطحنيها وأطحني حسب حاجتك لاتكثرين حتى ماتبرد ريحتها

وأذا وضعت الماء يغلي ضعيها عليه وأتركيها تغلي على نار هادئه
ومن ثم في الترمس او الدله على الهيل والزعفران

لكن الأهم تنتبهين لدلتك يمكن هي من زمان ماسويتي فيها قهوه والقهوه حساسه
لازم يومياً تنحط فيها قهوه
لذلك قبل الآن لاتسوين فيها ضعي فيها قهوه مطحونه وشوي ملح وأتركيها تغلي على النار

حوالي 10 دقايق بعدين أغسليها عاادي وضعي فيها القهوه

شوفي جربي طريقتي بحذافيرها وان ما أعجبتك قولي لي
ولاتقولين نبي من البنات أراء لأني على ما أعتقد ان القهوه تختلف بأختلاف المناطق
أهل نجد لايمكن يضعون بقهوتهم شيبه او ماء ورد او غيره
وأهل الجنوب لهم نكهتم الخاصه
فأنت شوفي أهل زوجك من مين وحددي ؟؟؟
01-09-1424 هـ, 11:54 مساءً
 
مراحب ابغى خلطة القهوه زي اللي يبيعونها لاني مااثق فيهم يحطون لون صناعي ودي انا اسويها

ابغى كل وحده تقول عن الخلطه من انحاء الخليج

ولكم دعوه من قلب صادق
03-09-1424 هـ, 03:40 صباحاً
 


الساعة الآن 11:21 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏