اختي هو آآسرني .. القبقب هو سرطان البحر او الكابوريا

امي طريقتها عجيبه وهي

ملاحظه المقادير لكيلوين قباقب

بعد ماتغسلين القباقب صفيها وحطيها في جدر وعطي عليها عصير ليمون وقشر الليمون (بعد ماتعصرينه قطيه في الجدر) و2 ملعقه صغيره يليلان (كزبره محطونه) و2 ملعقه صغيره سنوت (كمون مطحون) و1 ملعقه صغيره فلفل اسود ورأس ثوم مقشر ومقطع و3 حبات بصل مقطعين وفلفل اخضر بارد مقطع واذا حبيتيه سبايسي حطيه معاه فلفل حار اما طازج او بودره اللي يعجبج واخلطيه عدل وحطيه على النار وصبي عليه قلاص ماي وطولي عليه النار في البدايه وبعدين قصري عليه وغطيه وخليه يستوي تقريباً ساعه .. مع التقليب بين الفتره والثانيه .. ولما يستوي شيليه من الجدر بدون الاشيا اللي كانت معاه وحطيه في صحن التقديم وعليكم بالف عافيه ..
07-05-1429 هـ, 11:27 مساءً
 


الساعة الآن 02:16 .