انا اليوم شريت في كيان السهم كان 25 ونزل وصل 24.50:44:
توقعاتكم وان راح يوصل السهم ومتى ابيع
[i]لاحول ولا قوة الابالله العلي العظيم[/I]
السهم رائع وسعره مغري
اذا مستعجله خلال فتره قريبه ممكن تبيعينه بسبعه وعشرين
اما الصبر على السهم افضل وراح يوصل الى قيمه ما تتوقعينها
شكرا لمركز تجاري
بس حبيت اسئل يعني للاامد البعيد تقريبن متئ بعد سنة
وتوقعاتك لسهم كم يوصل وشكرا
[i]لاحول ولا قوة الابالله العلي العظيم[/I]
السهم يا منى راح ياخذ منحنى ايجابي للثلاث سنوات القادمه
ناخذ المساله بشوي من التفصيل
الشركات في سوق الاسهم ( اي سوق وليس سوقنا فقط) لا تخرج من ثلاث حالات
اولا ( وهذا افضلها للمستثمر) شركات جديده ولكن ادارتها ممتازه او انها فرع جديد لشركات ممتازه اصلا مثل ينساب , كيان, الصحراء, زين بترو رابغ... وهذه الشركات فيها توقعات للنمو ممتازه وراحة بال وامان للمستثمر متوسط وطويل الامد( ثلاث سنوات فاكثر)

ثانيا: شركات ذات عوائد ونموها معروف ومتوقع مثل شركات الاسمنت والاتصالات وسابك وصافولا والبنوك وجرير وعسير والمراعي والجبس وزجاج والخزف والمجموعه وغيرها ... وهذه الشركات المضاربه فيها امنه والاستثمار فيها جيد

ثالثا: شركات صغيرة الحجم وليست لها عوائد ثابته او انها ذات خسائر مثل اللجين وسيسكو ومعظم الزراعيات وومعظم التامين وشمس وثمار والسيارات والغذائيه والباحه وغيرها وهذه شركات اسميها في سوقنا (على نفسها جنت براقش) بمعنى اللي يدخل فيها لازم تكون فلوسه واجد ولا تهمه الخساره او ان قلبه قوي ويقدر يصبر على نزول قوي فى بعض الاحيان او تكون له مصادر موثوقه جدا جدا عن حركة السهم وفي رايي المتواضع ان المضاربه فى مثل هالشركات على اساس معلومه من هوامير او قروبات انهم بيرفعون السهم وبعدين يبيعونه على اخرين انا اشوف انه حرام حرام حرام لانه نجش واخذ اموال ناس اخرين بغير وجه حق واشوف انه اشد من اللي يشتري مثلا في بنك ربوي لان اللي يشتري في شركه محرمه او ربويه ما يضر الا نفسه اما اللي يضارب مع قروبات او معلومه من هوامير بيرفعون سهم بطريقة النجش فهذا يضر ناس اخرين

التقسيم اللي فوق موجود في اي سوق اسهم والشركات في كل قسم هي امثله فقط انا على استعداد لايضاح اي شركه لم اذكرهاحسب المعلومات المتوفره لدي.

والخلاصه ان المستثمر اقرب للربح على المدى الطويل من المضارب الغير محترف ولو كان عندك مية الف مثلا فانا متاكد انها بعد سنتين ستصبح قيمتها ميتين الف اذا كانت فى القسم الاول ( افضلهم زين)
واذا كانت في القسم الثاني فهى مطمئنه وسياتى منها ارباح وقد يكون هناك نمو في السهم بمعدلات معقوله
اما اذا كانت المية الف فى القسم الثالث فالله يكون في عون صاحبها

والله اعلم
تحياتي
ماشاء الله عليك وجزاك الله خير
مشاركه في دورة الخياطه





lمشاركه في دورة الكورشيه باذن الله


مشاركه في دورة العطور


الساعة الآن 03:01 .