Analysis Services
السلام عليكم ورحمة الله

قبل أسبوعين تقريبا حللت هرمونات وطلع عندي انو هرمون التبويض منخفض شوي وهرمون الحليب مرتفع
وقالت لي الدكتورة انو الفرق أرقام بسيطة جدا وممكن تتعدل لحالها بدون علاج .. لكنها حولتني على أخصائي وموعدي معاه بعد أسبوع

هرمون التبويض نتيجته عندي = 5.8
وهرمون الحليب نتيجته عندي= 25.9

ممكن تفيدوني بالمعدلات الطبيعية للهرمون ؟ واش الأسباب اللي تخليها ترتفع وتنخفض ؟؟
وعطوني نصايحكم في حالتي هاذي !! أش ممكن يفيدني .. وهل أروح عند الدكتور ولا انتظر بعدين ؟
واللي في البحرين تقولي مين أحسن دكتورة في مستشفى السلمانية ؟؟ لأن المركز حولني على دكتور وأنا أبغى دكتورة !



شكرا لكم جميعا ..

دعواتكم ..
07-05-1429 هـ, 12:45 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مرحبا اختي انا من البحرين وحالتي تقريبا مثل حالتج
سألت عن احسن دكتورة قبل لأخذ العلاج وقالولي الدكتورة خلود والدكتورة فضيلة
بس الاحسن انج تعالجين على الخاص اقصد العصر بفلوس لان انا تغلبلت 4 اشهر وما عطوني علاج ولا دخلت على الدكتورة خلود 4 اشهر بس حق التحاليل وبعد ما خلصت من التحاليل وانا وحده ما فيني صبر ويعطون مواعيد ويكنسلونها لين تركتهم ورحت على الخاص وبعد ما نفع العلاج
انا الحين موقفه العلاج وقت ما وقفت العلاج الدورة للحين ما نزلت
بس نصيحه مني روحي للدكتورة خلود
والله يرزق ويرزقنا الذرية الصالحه
07-05-1429 هـ, 01:01 مساءً
 
أختي التميم مشكور على ردك ..

أنا ماخذة الموعد بعد العصر لأن زوجي يكون في الدوام إلى الساعة 2 ونص

ربي يرزقني وإياكِ الذرية الصالحة
07-05-1429 هـ, 01:04 مساءً
 
حتى أنا نفسي أعرف المعدل الطبيعي لهرمو الحليب؟؟

الله ييسر لك أمرك يالغلا
07-05-1429 هـ, 01:09 مساءً
 
مشكورة شموخ أنثى عالمرور ..

ربي ييسر أمر الجميع ..

ننتظر أحد يفيدنا !
07-05-1429 هـ, 01:16 مساءً
 


الساعة الآن 04:59 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏