والله حتى انا اني حايسه مو قادره اوفق بينها بس تعرفين ياختي هذا رزق وجاء الوحده صعبة انها تتركه لان بها الزمن صعبه تلقين وظيفه فاللي تتوظف اشوف انها تتمسك فيها مهما كان لانها اذا تركتها صعبه الرجوع ثاني واللي تتعود على الدوام ماترتاح تجلس بالبيت بعدين تصير متعوده على الدوام والطلعة استخيري والله يكتب لك اللي فيه خير

صراحه انت ادرى بظروفك لكن مثل منتي شايفه الحياة غاليه والوظيفه بطلوع الروح فلا تستعجلي يمكن عشانك بالبدايه ودائما استغفري وراح ترتاحين

والله يااختي اعرف وحده من زميلاتنا اول ماتزوجت كثر غيابها وبعدين جابت بنت وفصلت والله اللي سمعته انها ندمانه على انها استقالت وانتي ماتظمنين الدنيا ومافيها تحملي ومأجوره ان شاء الله حاولي تنظمين شغل البيت وتوفقين بينهم ..

انا كنت موظفه ومرسمه بعد وقدمت استقالتي ...
بس احس اني حاله شاذه خخخخخخخخخخخخخخخ لاني ما كد سمعت بوحده مثلي
عشان كذا ما انصح احد فيه واللي يصلح لي ممكن ما يصلح لك والعكس
مع اني ما شاء الله ارتحت بس كلام الناس وكاني مسويه جريمه يغثني ..
حتى لدرجه رحت اقدم اوراقي من جديد وما شاء الله جتني وظيفه من جديد و بعد رفضتها خخخخخخخخ بس لما تخيلت اني اداوم من جديد انهارت اعصابي ...
ونصيحه لا تفكرين تستقلين اذا انتي لسى متعينه لا قرارك مذبذب و راح يكون الوضع الجديد وعدم التأقلم له دور كبير في اتخاذ قرارك
انتظري وان شاء الله بتتأقلمين والله يسهل امرك يا رب

مشكورين للي مرو كلكم
وفعلا الوظايف الحصول عليها صعب وتركهاا اصعب
وانا مو جديدة في الوظيفة صاارلي سنتين موظفة بس انا غير وضع البيت اوااجة مشاكل بشغل ماا اقدرر اقولهاا علي العاام يعني من وين القاها

احترت