مساعدة إنسانية

السلام عليكم ورحمة الله وبركاته
انا بطلب منكم طلب فضلا لا أمرا انكم تساعدوني وتوجهوني
المشكلة هيا تتعلق بأخي الصغير وهو في الصف الثاني إبتدائي .. انا راح اقول لكم الحكاية من البداية .........
((ان اخي يملك قلب ابيض جدا جدا ولكنه عصبي الى ابعد حد متوقع اتوقع لو يقيس الضغط او السكر يكون معاه من كثر العصبية وحسااااس مررة وحنوون وهوا عندو احساس انو محد يحبو في العيلة من الوالد والوالدة واخوتي جميعهم واليوم حدث شي غريب وقال لي انا محد يحبني اصلا لا انتي ولا ابي وامي واخوتي وقال اسماائهم واحد واحد قالها لي مرتين وانا اتجاهلتو لاني ماعرفت ايش ارد عليه والمرة الثالثة لمن قالها قالي لي يبغالي اموت احسن عشان محد يحبني او ياليت اموت انا على طول ناديته جنبي وقال لي عشاني زعلان جبتيني عندك المهم وامس قال لاختي الثانية انا محد يهتم فيني من ناحية الدراسة لا امي ولا احد المهم المشكلة انو هذي الأحاسيس كلها غلط احنا اصلا في البيت ماعندنا الى ثلاثة اولاد وبنتين البنات كبار والاولاد هوا الثاني وبعدو واحد صغير يعني قبلو ولد وبعدو ولد يعني عيلتنا مو مرة كبيرة عشان يقول انو محد مهتم فيه او محد يحبو والوالد مسجلو في النادي ومدخله دورة سباحة .............المهم يمكن هوا حس بهذا الاحساس لانو دايم يقول لنا انتو ماتمزحو معايا لو اخويا الكبير مزح معاكم تمزحو معاه اما انا لا ويقول تتكلموا مع اخواني وانا لا يمكن في اشياء الغلط مني انا او اختي لان اذا سوى مثلا اي شي او عصب نقول له لاتقول انو احنا مانكلمك شوف كلمناك وعصبت او كلمناك وماسمعت الكلام .....كمان الوالد الله يهديه احيانا مثلا يعاقبه اذا عصب لان قلت لكم انو مررة عصبي يعاقبه يقول له انا ماابغاك تعصب انا ابغاك تكون هادي ويعاقبه المهم هوا حاس انو الكل ضده ومحد يحن عليه او يحبه او يهتم فيه واحنا محنا مقصرين معاه في الاهتمام لا في الدراسة او لبسو او اكله يعني ماناقصو شي ......
1_ كيف نتعامل معاه
3_اخاف يفكر يموت نفسه لانه قالها لي كيف اتصرف معاه
3_الوالد والوالدة ايش دورهم في الموضوع لاني انا ماقلت ولا لأحد
4_اختي واخواني وانا ايش دورنا وكيف نتعامل ونتصرف معاه
اتمنى انكم تساعدوني واذا في اي سؤال انا حاضرة بس ارجو الرد في اقرب فرصة ))
انا قلت لكم المشكلة واتمنى اجد الحل وتساعدوني قبل مايفوت الوقت