الســلام عليكم ..

اخبار البنــات والحريم المعرســات ...

مبطيتن عن هالقسم => تبي تسوي نفسها مهمه


والله العجز الله يكفينا شره وش تقولون بس

تبون الصراحه ..

انا من الصبح مدهرتن بهالطبخ وانزل لكن بس مااشوف حتى وحده لمحت لي
انها تبي تخطبني ..
عشان كذا اصابني الفتور ..
وقلت يابنت انتي مهوب لازم العرس
اجعلي طموحك اسمى من هالخرابيط => اووف ياقوي هالكلمات درر
واكيد لاحظــتوا اني قلت احلى غلووو في العنوان ...
قلت جمعت طبخ وملح
بس هونا مانبي الطبخ والعرس
المهم جبنا لكم اليوم خبز الشــوبك


الله يازينه زيناه ..

يهبل يهبل ..والجبن اذا صار يتمطط بخشتك احلى واحلى وبحلتي تدورين لك منديل
=> الاحظ ان اسلوبي بدا يتغير وصار مهوب زين

وخلصت الهـذره ابشركم استانسوا



نجي للطريقه ..


3 كاســات طحين ..
بياله زيت ..
ملعقـه خميره ..
3 ملاعق سكــر ..
1 وربع كاس ماء ..
رشه ملــح ..

وتعجن مع بعضهـا ...
ولو احتجـتي لشوي دقيق زيدي
لين تحسين انه العجينه متمـاسكه وليــنه ..

وخليها ترتاح لمده ربع ساعه ..

بعدين نجيب جبن تشدر مبشور وشوي زعتـر ..
ونعجنها مع العجينــه ..
بعدين نكور العجينه كور وسط تميل للصغر
ثم نتركها شوي تقريبا خمس الى عشر دقايق

ونكون مشغلين الفرن من فوق وتحــت مع بعض ..
الفرن راح يكون حامي ..

ونفرد الكور فرد خفيــف يعني العجينه بتكون سميــكه شوي
ونحطها بالصينــيه وتكون مدهونه بالزيــت ونحطهن
وندخلها بالفرن وهو شغال من فوق وتحت
وخليها خمس دقايق وافتحي الفرن اذا تحمرت من فوق وتحت يصير خلصنا ..

وقدمــيها مع الشاهي ..
الله تجنن ..
من جد مااحد يذوقها الا ينهبل عليها


وهذي الصور ..


انتظرني شوي بس
واجيب الصور

تحمست للصور
كشخه شكله
استغفر الله لي ولوآلدي ووآلدآ وآلدي والمؤمنين والمؤمنآت والمسلمين والمسلمآت الاحيآء منهم والاموآت..
الصــور

صراحه قالوا لي وش تبين انتي تألفين روايه ..
بس قلت قسمن قسمن مامسح هذري ..
تعبت وانا اكتب واهذر واتميلح احتري احد يخطب






عاد والله بالعاده تكون منتفخه واحلى بس عاد الحظ التصوير جاء على هالصور
والله ماعليها تهبل







شفتــوا فرحانه بالصور وش اسوي


وبس يابنات ..

عاد نقول يارب احد يحن قلبه ويقول نخطبها حسافه هالـبــنت

ودي اكمل سوالف واكمل هذره بس اخاف احد يرد وانا مانزلت
=> ماخلص هذرها الله يصلحها
مس شوكليت

وشوله تردين ..

=> كله من هذرك ياغلا وش دخل المره

الله يسعدك اي تهبل مرره مرره
7
7
7
واخذت غلا مقلب قوي

الله يسعدك يارب
ههههههههههههههه ههههههههههههههه هههههههههههه

يعني ما اعرستي (ولا مخطوبه)ابشري بالخير بعد هالخبز ان شاء الله يخطبك من هو يستحقك وتعيشين بسعاده

خبزك ماشاء الله تبارك الله

روعه جدا (الجبن)لازم منديل )ما يكفي اللسان يمسحه ههههههههههههههه هههههه

الله يرزقك السعاده في الدارين

يخف دمك ماشاء الله

الحجة قائمة حتى قيام الساعة
من أرادت العفاف تقرأ سورة النور يوجد بها
خطاب رباني يطلب منا تطبيقه حفظاً على أعراضنا.


أختي المسلمة
حافظي على حيائك وحشمتك لإنها سبب من أسباب
دخول الجنة .
حيائك بستر جسدك بالباس الساتر.
حجابك غطاء وجهك عن الرجال وعدم إبداء زينتك
من خلال النقاب .





الساعة الآن 03:44 .