ماشاء الله
رووووووووعه
كل طبق احلى من التااااااانى
الف شكر ياقمر
اطباق جديدة


التبله السوريه مو تبوله اسمها تبله(انا مااحب التبوله بس ذقت هاذي من ابد صديقه سوريه عزيزه علي ايام امريكا وادمنتها)





المقادير.
1شدة بقدونس كبيره ,,,,,,,,,,,,,واذا حصلتي الامريكي يجي كانه له كشه يزينون فيه الاطباق احسن
نص حبة خس
1 شدة بصل اخضر
2 حبة طماط
نص كوب برغل منقوع في ماء
4 قرون فلفل احمر حار مجفف
3 ملاعق كبيره دبس رمان
ملح زيت زيتون
الطريقة
يصفى البرغل من الماء ........بخلاط الخضار اطحني الفلفل ثم ضيفي عليه البرغل واخلطي راح يصير لونه احمر
قطعي الخس والبقدونس والبصل الاخضر ناعم مثل ماتسوين للتبوله ونفس الشي الطماط
ضيفي البرغل الحار للخضار وحطي عليه دبس الرمان والزيت والملح وقلبيه بملعقه...........هي سلطه حاره بس لذيذه


صينية الجبنيه:وتصلح عشا سريع


المقادير
شرايح خبز توست مقطع الاطراف
2 كوب جبن سائل الحجم الكبير اي نوع تحبين بس مو كرافت لانه مالح
بصله صغيره
علبة مشروم
زيتون اسود
3جزر مبشور
فلفل اخضر بارد
2 ملعقه كبيره مايونيز
الطريقة
قطعي البصل والمشروم والفلفل والزيتون شرايح رفيعه واخلطيها مع واحد ونص جبن والمايونيز
رصي طبقة توست بصينية فرن وحطي ثلثين مقدار الخلطه وحطي توست مرة ثانيه
ضيفي باقي الجبن للخلطه واخلطيه زين وحطيه فوق طبقة التوست الثانيه وبالفرن نار هاديه ثلث ساعة وبالعافية


شوربة البروكلي
المقادير
بروكلي مقطع ومنظف
ا كيس ماجي شوربة الشعيريه
1 كيس ماجي خلاصة الدجاج
فصين ثوم
شدة شبنت
مشروم فريش مقشر ومقطع
2 م ك روب
1 م ك كريمه
زبده
4 كوب ماء ساخن
الطريقه
قلبي الشبنت على النار بالزبده مع الثوم صبي الماء وحركي ضيفي مغلفين الماجي (خلاصة الدجاج يحل بماء بارد اولا)
واتركيه يغلي شوي مايستوي يعني رفعيه من النار وخليه يبرد عشان تحطينه بالخلاط .....لما تخلطينه تشوفين الشعيريه
تتكسر كانها رز اللي بيشربها ماراح يعرف انتي شنو حاطه
البروكلي حطيه بماء دافي وبالميكروويف لما نص الاستواء واللي تخاف من الميكروويف تحطه ستيم عالبخار
قلبي المشروم بزبده على نار عاليه علشان مايطلع ماي منه وضيفي البروكلي وبعده الشوربه اللي خلطتيها بالخلاط
وعلى نار هاديه ربع ساعه.........قبل التقديم خلطي الروب والكرمه بشوية ماي وصبيه عالشوربه .............
وبالعافية
اللهم اني اسالك باسمك الاعظم الذي اذا دعيت به اجبت واذا سالت به اعطيت ان تيسر لي حملا صحيحا سليما بذكر صالح سليم معافى هاديا ومهتديا اخا وعضيدا لوحيدي ربي دعوناك كما امرتنا........ اللهم استجب كما وعدتنا
اللهم مغفرتك وعفوك ورضاك والجنه
بارك الله فيج روووووووووووووو عه الصراحه
اقتباس مشاركة  (هناء_الكويتيه)
بارك الله فيج روووووووووووووو عه الصراحه
تسلمين بنت ديرتي.........ومشكو ه عالمرور
اللهم اني اسالك باسمك الاعظم الذي اذا دعيت به اجبت واذا سالت به اعطيت ان تيسر لي حملا صحيحا سليما بذكر صالح سليم معافى هاديا ومهتديا اخا وعضيدا لوحيدي ربي دعوناك كما امرتنا........ اللهم استجب كما وعدتنا
اللهم مغفرتك وعفوك ورضاك والجنه
حبيت اسأل وشو خلطة البلوبيري


الساعة الآن 07:49 .