Love_Bird

Love_Bird @love_bird

عضوة جديدة

والله العظيم ان بشرتي صارت بيضى وصافيه وخاليه من الآثار الي كانت تزعجني

العناية بالبشرة

السلام عليكم ورحمة الله وبركاته.. .. .. ..

بنات حبيت افيدكم بهالشي وبتجربتي.. وخاصة ان البنات تزعجهم آثار الحبوب وخاصة الي تيي قبلا لدوره وبعدها.. والي تعاني من ويه ملون كل صوب بلون.. والي بشرتها تلمع من الزيوت والدهون وخاصة صاحبة البشره الدهنيه والي في ويها حبوب..

المهم خلوني اخبركم بالي صار عشان تستفيدون..
زوجي قال لي انه بيروح الدوام مكان بعيد لمدة اسبوعين وانه بيرجع بعد اسبوعين وهو قرر انه يتمرن حديد ويغير من شكل وتقاسيم جسمه..
فانا قلت بفاجاءه بشي اني: امتن واصير شويه مربره لانه يتمنى انه يشوفني سمينه شوي.. وان بشرتي تكون مخمليه وبيضى وخالي من الاثار المزعجه..

المهم فسويت لي جدول فقط لاسبوعين بالضبط اوكيه ولما رجع والله العظيم تخبل :o وكل يشوف بشرتي وويهي ويقولي والله بشرتج صارت نظيفه وتلق وحلوه وشكلج تغير وصرتي حلوه اكثر عن قبل..
وأنا طبعا ادلع ومب مصدقه اني سويت هالشي :42:

المهم بعطيكم الجدول وطبقوه اوكيه..

1- يومياااااااااااا.. بعد كل وجبه خذو حبتين خميره.. روحو لصيدليه واسالوه عن حبوب الخمير وبيعطيكم وخذو احسن الانواع وسالوه عن احسن الانواع وهو الي بيختار لكم.. انا كنت استخدم مال القمح والشعير..
2- بعد الحبه اكثرو من شرب المااااااااااااااااااي والسوائل كثيرا "حتى بتلاحظون انكم تروحون الحمام عزكم الله"
3- غسل البشره بصابون نيتروجينا 3 مرات في اليوم..
4- قناع الروب "الزبادي" يوميااااااااااااااااااااااااااا..
5- تقشير البشره "زيت الزيتون الأصلي+سكر" مره في الاسبوع..
6- استخدام كريمات مرطبه للبشره عشان ما تجف.. على حسب نوعية البشره طبعا.. انا استخدم منتج "مرطب" همالايا..
7- قبل النوم افرك ويهي والرقبه بالاسكينول "الليمون" للبشره الدهنيه.. واخليه لصبح..
8- اغسل ويهي وقت العصر بصابون دوف عشان يرطبه..
9- أكثر من الوجبات الاساسيه وخاصة الريوق مهم جدا بنات..
10- اكثري من الخضروات والفواكه..
11- عمل حمام بخار للوجه كل شهر مره..
12- عمل قناع الروب+ طماطم+ ليمون كل اسبوع مره..

** ملاحظه عند غسل الوجه خرسي "بللي" ايدينج بالماي وبندي الصنبور.. وخذي الصابون وافركي باليد وخلي الرغوه تكون كثيفه وبعده فركي الويه لمدة 3 او 4 دقايق.. وفركي بالخفه وركزي في اماكن تواجد الحبوب والاثار.. والاهتمام والنظافه عاملان مهمين حتى تقضين على كل الشوائب والاشياء الغير مرضيه في الجسم او البشره..

وانتظر ردود حلوه عشان اتشجع اني احط موضوع ثاني.. وعلى فكره انا عضوه يديده رحبوبي بعد..

بس الله يخليكم لا تنسوني من الدعاء ؟الله يحقق الي في بالي"..:27:
71
24K

يلزم عليك تسجيل الدخول أولًا لكتابة تعليق.

تسجيل دخول

*بنت بــــو خليفه*
يسلمووووووووووووووووووووووووووون والله انتي مذهله بصراحه وصدقتي كثرة شرب الميه من ناحية رونق البشره وشففيته ما عليييييييييه كلام الكل يسأل في البيت منوه خلص الماي بثلاجه :22: هههههههه

اقولهم هيه والله منوه يشرب مسويه نفسي ما عرف شي طااااااااااااف بلا فضايح انصحكم بشرب الماي بس بعيد من ناس ترى ناس ما تعطي خيييييييييييييييير :35:

"توب ستار":26: "Love_Bird" بجدولج رائع:27:
ديباجة
ديباجة
مشكورة Love Bird على النصايح بس ممكن أسألج إنتي أصلا شو نوع بشرتك دهنية؟؟ إنزين وشو أنواع الخضراوت والفواكه االلي كنتي تاكلينها عشان أنا من النوع ما أحب آكل هالأشياء إلا قليل منها بس إذا فيها نتايج مستعدة آكل..وبس بغيت أقولج أنا سمعت إن الخميرة تمتن فعشان جذي أنا أخاف آكلها..بس سمعت إنها تصفي البشرة وتسمن الويه..بس عاد مب البشرة االلي مول مختربة وفيها حبوب وإحمرار البشرة العادية يعني...وثانك يو!!!
بنت ابوها
بنت ابوها
وعليكم السلام ورحمة الله وبركاته
جزاااك الله خير على المعلومات
بس ممكن اسم الخميرة اللي استخدمتيها؟
ايام العمر
ايام العمر
مشكوره على هالجدول الروعه انا نسختخ وبمشي عليه انشالله

بس حبوب الخميره تسن ( وانتي قلتي ان ودك تسمنين شوي )
انا والله يكفي اللي فيني مع الحمل صايره كني بلوووووونه افشل
بس بغيت شي يوخر الحبوب واثارها يعني امشي على جدولك دون الخميره تتوقعين تطلع نتايج ؟؟؟؟؟؟؟؟؟
ومشكوره
Love_Bird
Love_Bird
السلام عليكم ورحمة الله وبركاته..

تسلمين الغاليه بنت بو خليفه على الرد الحلو..
وصدقج الماي يسوي العجب :o.. بس مرات يسوي كرشه صغيرونه ههههههههههه؟!

اختي ديباجة.. تسلمين على الرد يا حلوه..
وأنا بشرتي دهنيه..
والفواكه الي كنت آكلها: برتقال+ بطيخ+ عنب+
"تفاحه أهم شي" ...الخ يعني انوع بس اكثر من هالاشياء..
والخميره صح انها تمتن بس مب بسهوله وبسرعه.. لالا اسبوعين ما اعتقد انها تنفخ لانها اصلا تفتح الشهيه.. وصدق تصفي الوجه وتسمنه وتطلعلك خدود حلوين.. واذا تركتيه بترجعين نفس قبل.. لانه أنا اعتبر فاتح للشهيه.. وهي تصفي الوجه الي فيه الحبوب.. يعني حب الشباب.. ام غير ذالك فالله اعلم.. يمكن يستوي بس تأخذينه فتره طويله..

حبيبتي بنت ابوها ما طلبتي شي.. بس صبري لاني خلصت العلبه بروح ادورها واييب اسمها هههههههههه..




اها لقيتها واسمها:
Brewer's Yeast
وشاله السعر عنه.. هي تقريبا ب35 اذكر او 39 شي من هذا القبل بس ما يتعدى ال40درهم لان الحجم كان متوسط.. قبل خذتها وداومة عليها بس نفسيتي كانت تعبانه فما جاب نتيجه مرضيه.. بس بعدين لا والله نفسيتي الحمدلله ارتاحت وكل شي تغير والحمدلله نتيجه فتاكه وخلصت العلبه بعد.. :32:

الغاليه ايام العمر ابدي بالجدول بدون خميره وان شاء الله توصلين بالي في بالج وان شاء الله بدعيلج انه يحقق الي في بالج.. واذا ما بغيتي انج تسمنين خذي الخميره قبل الاكل وشوفي النتيجه ان شاء الله مرضيه لان قبل الاكل ما يمتن.. يخليج تشبعين بسرعه..
:cook:

بناااااااااااات نسيت احط في الجدول شي مهم جداااااااااااااااااا..
الا وهو:
الريااااااااااااااضه..
نعم الرياضه..
تمشين على الاقل 30 دقيقه.. او تسوين تمارين خفيفه لمدة 30 دقيقه..
لان البعض من كثرة شرب الماي مه الخميره اتسويلهم كرشه صغيرونه..
عشان جيه لا تستهونون عن الرياضه.. :27:


اي سؤال ان شاء الله في الخدمه السريعه.. انتظركم..