اختي bintnass الف شكر على مقترحاتك وماقصرتي ,,

اختي ام القمرين الف شكر على مشاركتك ونصائحك ،،

اختي شمس الحب
بالنسبه لصينية المكرونه بالبشاميل او اي صينيه تحتوي على البشاميل ممكن تحضريها قبل بوقت الا انك ما تدخليها الفرن ،، وتغلفيها كويس وتحطيها بالثلاجه اذا كنتي راح تستخدميها بعد يوم واحد او ممكن تحطيها في الفريزر اذا كان استخدامك لها بعد اكثر من يوم الى اسبوع وصدقيني ما تتاثر ولا يتغير طعمها ,,
ممكن تجربيها وتخبرينا بالنتائج
صح مثل ماقلتوا.. ترى القطع اللي يكون فيها خيط طالع والا الخياطة مش أوكي وأقصد اللي بالمحلات الكبيرة ياخذونها محلات أصغر عنها..

مثلا عدنا بالامارات



ماشالله الخوات ماقصروا.. بعد تقدرين تسوين أي حمسة تبينها قبل بكم يوم مثلا لحم عصاج وتسوينه بس للمعكرونة بالباشميل في نفس اليوم.. أو حمسة دجاج مع البصل والثوم والبهارات والجزر المبشور.. وفي نفس اليوم سوي طبقات توست مقطعة الحواف ومدهونة بخليط من الكاتشب والمايونيز ومصفوفة بالبايركس طبقتين بس مابينهم الحمسة اللي سويتيها.. وفوق اخلطي مقدار علبتين قشطة مع كاس صغير جبن سائل مع فلفل اسود وبالفرن ويطلع لذيذ..

وممكن تلفين سمبوسة قبل وبالفريزر..

وممكن تسوين فطاير وتخبزينها وبالفريزر.. وقبل التقديم بساعتين طلعيها وسخنيها.. تطلع كأنها مخبوزه ألحين..

وممكن أي نوع من الكفته أو كبه وبالفريزر وبعدين بس غليها..

والحلى جهزي نوع او اللي تقدرين عليه من اليوم اللي قبل.. وعلشان رمضان جهزي قطايف ولفيها بالفريزر والشيرة بعد خليها بالثلاجة.. وقبل التقديم غليها وبالشيرة على طول..

والمواعين والملاعق والسفرة أساسا جهزيها من اليوم اللي قبل.. بس ماعليج الا تحطين الأكل عليها في هاذاك اليوم.. وطبعا كلهم ملفوفين بالنايلون.. وحتى الدلال والفناجين والاستكانات جهزيهم من قبل.. وكل شي بيكون عندج جاهز ..

واذا تعرفين بعد حريم يطبخوان بالبيت.. عالأقل تسويلج صنف أو صنفين للمساعدة..

و****لله تنعمين بأحلى سفرة..



الساعة الآن 10:12 .