السلام عليكم ..

اختي انا عندي طريقه خاصه فيه .. و الكل يحبها..

طبعا اتيبيين علبه اللقيمات الجاهزه ..

انا افضل نستله ... لا تاخذيين العلالي بس اي نوع ثاني...


المقادير ..

كيسه لقيمات جاهزه مع كوب طحين اسمر
بيضتيين
2 م سكر
ذره ملح.
و كيس الخميره .. واحد فقط..

و تمر منقع و مهروس .. يعني يستوي مثل الماي (انا اخذ 3 تمرات منقوعه في ماي دافي) و ساعات ما استخدم كل الخليط .. بس يعطي طعم لذيذ
و ماء دافئ حسب الرغبه..

الطرسقه تخلطيين الطحين مع بعض .. و تضيفين السكر و ذره الملح .. و الخميره و تخلطيين معاه

تحطين البيض عليه .. و تعجنيين .. و بعديين التمر .. و اخر شي الماء الدافئ بس لازم انتي تخليين العجينه شوي ثقيله ... يعني مش سايله وايد .. و لا ثقسله وايد ..

تخلينها تتخمر .. لمده ساعه.. او اذا حسيتي ان العجينه انتفخت..

و تصبينها بعدين في زيت حار جدا...

ان شاء الله تعرفيين طريقه صب اللقيمات
و اي مساعده انا حاظره

27-07-1424 هـ, 11:25 صباحاً
 
انابعطيج طريقتي وايد حلو وبسيطه في نفس الوقت.
المقادير :
كيلة اطحين وقم2 + ملعقة طعام خميرة فورية + فنجان سكر + قليل من الزعفران + نصف ملعقة كركم + ملعقة صغيرة بيكنج بودر + ملعقة صغيرة نشا علشن اللقيمات ميشرب زيت.
الطريقة : تخلطين المقادير كلها مع بعض مع الماي وتخلين العجينة لاهي سايلة ولاغليظة وايد ..
وبعدين اقليها في زيت غزير ..
وقت التقديم ويفضل اتكون حار يسكب عليها الدبس.
وبالهني والعافي الغالية..,
27-07-1424 هـ, 12:20 مساءً
 
تسلمون عزيزاتي انا والله بسكن بالدوحه واهل زوجي من الامارات وبصراحه ما اعرف طرق طربخ اهل الامارات فابقى اتعلم لاني بعد 15 يوم بيكون زواجي ومتوهقه اذا تبون الصراحه ودي اتعلم بسرعه او على الاقل اكتب الطرق واطبقها هناك .... تحياتي
27-07-1424 هـ, 01:09 مساءً
 
السلام عليكم
انا استخدم طريقة ثانيه وهي
علبة قيمر
2كوب طحين رقم واحد
1ملعقه سكر
بيضه
1ملعقه خميره
قليل من الهيل والزعفران
الطريقة
نخلط جميع المقادير مع بعض وتترك حتى تخمر
وتعمل بالطريقة المعتادة
28-07-1424 هـ, 11:14 صباحاً
 
اخواتي الكريمات لو تكرمتوا اللي عندها الرابط حق ملف خاص عن القيمات

باليت تتفضل علي لأني سويت بحث بس ما طلع شي


وجزاكم الله خير
01-08-1424 هـ, 10:12 صباحاً
 


الساعة الآن 10:12 .