Analysis Services
  • «
  • <
  • 1
  • 2
  • 3
  • 4
  • >
  • »
[ALIGN=CENTER]ههههههههه ضحكتيني أم عبودي.. لايغرج الاسم بس ترى هذي مسابقة صغيرة وفزت فيها والا انا حالي حالكم وأتعلم منكم..

وبالنسبة للصواني ماشالله أختي هوده حطتلج رابط الأخت منال.. وأنا عندي كم صينية بسيطين بيعيبونج.. وسهلين بعد وكتبتهم قبل بالمنتدى من فترة طوييييييييييييييييييلة



توست بالدجاج..

المقادير:

خبز توست
دجاج مفور ومفتت
بصل
ثوم
جزر مبشور
مايونيز مخلوط مع قليل من الكاتشب
ملح وفلفل اسود

الصلصة:
علبتين قشطة مع كاس جبن كرافت حجم صغير وفلفل أسود شوي

الطريقة:

1- نقلي البصل والثوم ثم نضيف الدجاج والملح والفلفل الاسود.

2- نزيل الحواف من التوست ونرصة في صينية البايكس ونعمل منه طبقة ثم ندهنهم بالمايونيز المخلوط بالكاتشب.

3- نضع حشو الدجاج ثم الجزر المبشور ثم طبقة اخرى من التوست ولاكن ندهنه من تحت بالمايونيز قبل وضعه حتى يلتصق بالحشو.

4- وأخيرا نصب خلطة القشطة مع الجبن على الوجه وندخل الصينية الفرن من تحت شوي ثم من الاعلى..



صينية الشاورما (( تقريبا نفس اللي فوق باختلافات بسيطة ))

المقادير:

دجاجة مسلوقة ومفتته.
بصل وثوم .
جزر مبشور.
بطاطس حلقات تقريبا نص سم.
علبتين قشطة.
علبة صغيرة جبن كاس كرافت.
جبن مبشور بارميزان أو موزاريلا.
ملح وفلفل الأسود.

الطريقة:

احمسي البصل والثوم وبعدين حطي الدجاج المفتت والملح والفلفل الأسود.

1- فوري البطاطس الحلقات ورصيها طبقة في طبق بايركس .

2- صبي خلطة الدجاج فوق البطاطس وعليها الجزر المبشور.

3- اخلطي القشطة والجبن وشوي فلفل أسود وصبيها فوقهم ورشيها بالجبن المبشور.

4- دخليها الفرن من تحت ربع ساعة وشوي من فوق لحد مايسيح الجبن وتؤكل بالخبز.


مسقعة بالباشميل.. أممممممممم لذيذة..

المقادير..

شرائح باذنجان مقلية
لحم مفروم نص كيلو
بصلتين مقطعات جوانح
فص أو فصين ثوم مفروم ناعم
طماطتين فريش
صلصة طماط
كزبرة
فلفل أسود وقرفة وملح
باشميل
جبن مبشور وأوريجانو ( زعتر بري ) للوجة

الطريقة..

1- نقلي البصل ثم نضيفله الثوم واللحم ونتركة لين مايستوي.. وبعدين نضيف الطماط والصلصة والبهارات واخر شي الكزبرة.. عشانها تذبل بسرعة..

2- ألحين في صينية البايركس نصف الباذنجان وعلى كل قطعة نحطي من حشوة اللحم…

3- ثم نصب على كل قطعة من الباشميل وعلى الوجة الجبن المبشور وشوي من الأوريجانو..وتدخل الفرن شوي لين ماتسيح الجبنة أمممممممممممممم لذيذة..

4- بس و تقدمونها تنفع بالبايركس كله أو بالقطع لكل صحن قطعتين من الباذنجان.. وتؤكل بالخبز



وعندي بعد طريقة حلوة لصينية الجلاش باللحم العصاج.. بكتبلج اياها عقب اذا تبينها.. وانشالله تعيبج الطرق اللي كتبتها..[/ALIGN]
25-08-1424 هـ, 09:56 مساءً
 
الشهر عليكي مبروك واللهم تجعلنا من صوامه وقوامه كل سنه والمسلين اجمعين
ابشري يا ام عبودي بالصواني اللي تبيض وجهك في رمضان لأني يقولون اني طباخه وانا عاديه جدا بس اصبري علي
ورايحه اجمعها واكتب لك كل يوم طريقه بس بصراحه اشياء تبيض الوجه( انتي تآمرين امرالله يخليلك عبودي)
27-08-1424 هـ, 07:34 مساءً
 
الف شكر للجميع
والله ماقصرتوا
يوم مافيه احد رد علي بسرعة زعلت قلت ماحد عبرني
ويمكن اسبوع اواكثر مافتحت النت
ولما شفت الردود الحين طرت من الفرحة
من جد الف شكر
والله ينول كل وحدة اللي في بالها
ام عبودي
:24:
27-08-1424 هـ, 07:48 مساءً
 
اختي مجده
كل عام وانت والجميع بخير يا رب
الخاص عندك ما يستقبل للاسف
المهم انا في انتظارك
لما قلتي انك عادية ........مادري ليش حسيت ان اللي تكلمني .........طباخة
باي
ام عبودي
27-08-1424 هـ, 07:54 مساءً
 
واحنا بعد بانتظارج لا تتأخرين .. ومنكم نستفيد
28-08-1424 هـ, 09:25 صباحاً
 


الساعة الآن 10:00 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏