اهلين حبيبتي شوفي الرابط هذا فيه الخطوات المصوره لعيونك الحلوه

http://forum.hawaaworld.com/showthread.php?t=1234865

ولا هاذي الخطوات اقتبستها لك
اتمنى يعجبك ياعسل


اقتباس مشاركة  (دوحة القران)
السلام عليكم ورحمة الله وبركاته

اهلين وسهلين بكل من شرفت موضوعي
اليوم طبقت لكم مطازيز بس سويتها كبار من العجز
يعني صارت في النهايه مرقوق

ونبدا بالخطوات المصوره

اول شي اعجني كاس ونص طحين بر مع شوي ملح
وماء حسب العجن يعني صبي شوي شوي لين تصير
متماسكه وقاسيه بس مو مره يعني مثل الفطاير
وغطيها وخليها على جنب

بعد كذا كشني البصل مع الثوم ولما يذبل ضيفي له
ملعقتين معجون طماطم بهالشكل



سبكي المعجون شوي بعدين ضيفي له حبة طماطم
مقطعه صغار وخليها تتسبك وتبليه بالملح والبهار والكمون
والليمون الاسود والماجي و الفلفل الاسود وحبحر طازج
بهالشكل



وبد كذا ضيفي اللحمه وحمسيها مع الكشنه شوي
وقصري للنار وخليها على نار هاديه ربع ساعه



بعد الربع ساعه صبي عليهم مويه مغليه لنص القدر
وطبقيه وخليه يطبخ لما تستوي اللحمه تقريبا نص استواء
وفي هالوقت جهزي العجين اول شي قطعيه قطع صغيره
وكوريها بهالشكل



واخبزيها بالاله مثل مانتم شايفين هنا



بعد الخبز حطيها وحده وحده بالقدر وكل ماحطيتي وحده نزليها
في المرق شوي عشان مايلزقون في بعض



واذا ماعندك الاله رقيها بايدك قرص قرص وعلى طول في القدر

وطبعا تكونين مجهزه الخضار قطع كبيره بهالشكل



صفي الخضار كلها على المطازيز وخليها تطبخ وشوفي كمية المرق



بعد كذا غطي القدر وخليها تطبخ ربع ساعه وبعدين
قصري له وخليه على نار هاديه لمدة ساعه او اكثر
وكل ما طول كل ماكان الذ وقبل تقديمه بربع ساعه
حطي فوقه ربع اصبع زبده يذوب ويتسبك معه
وهذا شكله النهائي



وصوره اقرب



اتمنى يعجبكم وتقررون تجربونه
عليكم بالف صحه وعافيه
والقادم احلى واحلى باذن الله


الف شكر للغاليه { لمسة ابداع }
ممكن تستخدمين ا لقرصان اللي مخبوز من جهه وحده.. وهو خاص بالمرقوق للي ما يعرفون يفردون..
وداعا عالم حواء


الساعة الآن 06:20 .