Analysis Services
  • «
  • 1
  • 2
  • >
  • »
السلام عليكم
الله يعافيكم انا متواجده في الخارج وراح يهل علينا رمضان وانا اول مره أرمض في الخارج
تدرون رمضان ما يكمل من غير التشريبه وعشان انا بلندن ما عندنا خبز رقاق
الله يخليكم ابي طريقه خبز الرقاق واشلون اخبزها الله يعافيكم اذا احد يعرف قولولي
24-08-1424 هـ, 07:54 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا بام مشاري

ابشري وانا اختك

الرقاق يحتاج لطحين بر وماء دافئ وملح وعجن زين لين تكون العجينه طريهولاهي سائله

ولا ثخينه يعني تكون اخف اخف اخف من عجينة الفطاير وفترة 3 ساعات علشان يرتاح

المهم يا طويلة العمر بعد ما ترتاح العجينه ارجعي اعجينها وزيدي عليها شوية ماء دافي وخليها

بهذي الفتره حمي الصاج والله يعينك اذا ما عندك صاج بس لنفرض انه عندك

شوفي بيدك اذا انتي ما قد سويتيها فهي والله صعبه وتحتاج احد يعلمك اياها

بس بقولك على طريقه وان شاء الله تنجح معك

اذا عندك بكيت شريط مسجل >>>>>ما اعرف اسمه بس لما نشتري شريط

جديد يكون عليه<<< والله من زين الشرح

المهم

افتحيه(اكسريه) اثنين وخذي<<< راحت تجيبه بتشوف اش الطرف اللي تستخدمين

اخذي الطرف اللي مافيه راسين فالوسط

وحطي جزء من العجينه على الصاج وبطرف الشريط حركيها ولفيها على الصاج وبسرعه

بتخترب معك اول وثاني مره بس ان شاء الله ثالث مره بتضبط

اذا شفني فيه عجين زايد على صاج شيليه بسكين او بملعقة الحلى

وصحتين وهنا

واعذريني على الشرح بس ان شاء الله تكوني فهمتي علي وانا تحت امرك

دمتي والله يرجعك لديرتك سالمه غانمه بس نبي كتكات لندن يمدحونه
24-08-1424 هـ, 08:24 مساءً
 
السلام عليكم
مشكوره وايد وايد يا cafe_latteعلى شرحك وابشرك عندي صاج يايبته معاي من الكويت
بس ابي اعرف اذا تعرفين المقادير
واذا اقدر اسويها بايدي مثل ما اشوف بالتلفزيون والا صعب
ادري اني ثقلت عليك بس شسوي زوجي يايبلي الطحين للخباز وانا بجرب من الحين فبل رمضان يا تصيب يا تخيب
وعن الكتكات افا عليك بالخدمه خصوصا الحين منزلين كتكات حجمه صغير حجم اول خط من اصبع السبابه يصلح حق حلو الكتكات لا سويتي
مااطول عليك ناطره ردك


ومشكوووووووووووووووووره
24-08-1424 هـ, 09:59 مساءً
 
هلا وغلا

والله شهيتيني للكتكات وبالعافيه عليكم

المقادير والله مالها مقادير ثابته انتي اخذي كمية الطحين اللي تشوفينها تكفيكم


وابدي اعجينيها لين تاصلين للسماكه المطلوبه

بس تراها من جد صعب تصليحها في اليد لانها تل ل ل ل لسع شوي

بس جربيها بالشريط وباذن الله تنجح معاك

على فكره تراه يباع جاهز بالسوق ( السعودي ) اكيد موجود عندكم بالكويت

اذا احد من اهلك يطرشه لك

وتحيتي
24-08-1424 هـ, 10:07 مساءً
 
هلا

شوفي هذي الطريقه يمكن تكون اسهلك

http://forum.hawaaworld.com/showthre...72#post1118672
24-08-1424 هـ, 10:16 مساءً
 


الساعة الآن 07:16 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏