اطباق جديدة

بعد الجزء الاول كنت بتابع بنفس الموضوع بس ماقدرت احط ملاحظه انه بالصفحات الاخيرة في اطباق فقلت انزل موضوع تكمله
http://forum.hawaaworld.com/showthread.php?t=1255107

التبله السوريه
مو تبوله اسمها تبله(انا مااحب التبوله بس ذقت هاذي من ابد صديقه سوريه عزيزه علي ايام امريكا وادمنتها)


المقادير.
1شدة بقدونس كبيره ,,,,,,,,,,,,,واذا حصلتي الامريكي يجي كانه له كشه يزينون فيه الاطباق احسن
نص حبة خس
1 شدة بصل اخضر
2 حبة طماط
نص كوب برغل منقوع في ماء
4 قرون فلفل احمر حار مجفف
3 ملاعق كبيره دبس رمان
ملح زيت زيتون
الطريقة
يصفى البرغل من الماء ........بخلاط الخضار اطحني الفلفل ثم ضيفي عليه البرغل واخلطي راح يصير لونه احمر
قطعي الخس والبقدونس والبصل الاخضر ناعم مثل ماتسوين للتبوله ونفس الشي الطماط
ضيفي البرغل الحار للخضار وحطي عليه دبس الرمان والزيت والملح وقلبيه بملعقه...........هي سلطه حاره بس لذيذه


صينية الجبنيه:
وتصلح عشا سريع

المقادير
شرايح خبز توست مقطع الاطراف
2 كوب جبن سائل الحجم الكبير اي نوع تحبين بس مو كرافت لانه مالح
بصله صغيره
علبة مشروم
زيتون اسود
3جزر مبشور
فلفل اخضر بارد
2 ملعقه كبيره مايونيز
الطريقة
قطعي البصل والمشروم والفلفل والزيتون شرايح رفيعه واخلطيها مع واحد ونص جبن والمايونيز
رصي طبقة توست بصينية فرن وحطي ثلثين مقدار الخلطه وحطي توست مرة ثانيه
ضيفي باقي الجبن للخلطه واخلطيه زين وحطيه فوق طبقة التوست الثانيه وبالفرن نار هاديه ثلث ساعة وبالعافية


شوربة البروكلي

المقادير
بروكلي مقطع ومنظف
ا كيس ماجي شوربة الشعيريه
1 كيس ماجي خلاصة الدجاج
فصين ثوم
شدة شبنت
مشروم فريش مقشر ومقطع
2 م ك روب
1 م ك كريمه
زبده
4 كوب ماء ساخن
الطريقه
قلبي الشبنت على النار بالزبده مع الثوم صبي الماء وحركي ضيفي مغلفين الماجي (خلاصة الدجاج يحل بماء بارد اولا)
واتركيه يغلي شوي مايستوي يعني رفعيه من النار وخليه يبرد عشان تحطينه بالخلاط .....لما تخلطينه تشوفين الشعيريه
تتكسر كانها رز اللي بيشربها ماراح يعرف انتي شنو حاطه
البروكلي حطيه بماء دافي وبالميكروويف لما نص الاستواء واللي تخاف من الميكروويف تحطه ستيم عالبخار
قلبي المشروم بزبده على نار عاليه علشان مايطلع ماي منه وضيفي البروكلي وبعده الشوربه اللي خلطتيها بالخلاط
وعلى نار هاديه ربع ساعه.........قبل التقديم خلطي الروب والكريمه بشوية ماي وصبيه عالشوربه .............
وبالعافية

لقيمات :
وهاذي طريقتي لي اكثر من 6 سنوات معتمدتها ومشهوره باسمي

المقادير
2 كوب طحين
1علبة قيمر نستله
2 ملعقه كبيره جبن سائل كرافت او اي نوع
1 م ك سكر
نص م ص ملح
بيضه
1كوب ماء
1م ك خميره
1م ك نشا
زعفران وهيل مطحون واذا ماحبيتي حطي رشة فانيليا


الطريقة :
ذوبي الخميره مع قليل من الماء الدافي وذرة سكر وخليها على جنب
اخلطي القيمر والبيضه والجبن والسكر والنشا والملح مع الماي ضيفي الخميره المذوبه
مع العجن ابدئي ضيفي الطحين شوي شوي واعجني راح يصير عندك عجينه شبه سائله اذا حسيتيها جامده زيدي ماي .....غطيها وخليها تتخمر
للصب زيت غزير بمقلى واسع خليه حار و صبي انا معتمده طريقة التكوير باليد اليسار واغرفها بملعقه مبلوله ماي باليد اليمين وبالزيت اذا بديتي تصبين وطي النار وصبي لحد ما تملين المقلى والحين ابدئي قلبيها على نار هاديه لحد ماتصير يابسه تحسينها كانها كور تضرب ببعض تاخذ تقريبا 5 دقايق وهني السر الي يخليها مقرمشه لليوم الثاني ماتتغير بعدها علي عالنار شوي عشان تتحمر شيليها وعلى طول بالشيره والسر الثاني الشيره لازم تكون باااااااااااردة من الثلاجه يعني وانا اقلبها بالشيره واشيلها منها وارجع الشيرة الثلاجه مره ثانيه على مااصب المقدار الثاني ونفس الشي لحد مايخلص المقدار كله.............


انا عندي اطباق ثانيه ............ان شاءالله اكملها بنفس الموضوع
24-05-1429 هـ, 06:54 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ماشاء الله

اطباف رائعة

الله يسلم عمرك
24-05-1429 هـ, 07:14 مساءً
 
ماشاء الله

اطباق رائعه

جزاك الله خير
24-05-1429 هـ, 07:16 مساءً
 
جزاك الله خير
25-05-1429 هـ, 11:35 صباحاً
 
الله يعطيك الف عافيه كملي
25-05-1429 هـ, 12:14 مساءً
 


الساعة الآن 06:52 .