بصى حبيبتى

اولاحمرى الشعرية فى السمن بس من غير ماتتحرق
ثانيا قلبى معها الرز الكميه اللى انتى عايزاه وبعدين حطى عليه الماية بحيث تغطية متبقاش كتيرة اوى خليها فوقيه ب سم واحد
ثالثاحطى الملح والبهارات وقلبى كويس واول مايشرب الماية وطى عليه لغاية مايستوى وبالهنا والشفا
25-05-1429 هـ, 07:41 مساءً
 
اختى الغاليه
مقدار الماء للرز المصرى نفسه مقدار الرز
يعنى كوب ماء لكل كوب رز

والباقى زى مالبنات قالولك
25-05-1429 هـ, 10:27 مساءً
 
حبيبتي

طريقتي في الرز المفلفل كالتالي

الأرز المفلفل
--------------
لكل فردين كوب ونصف أرز

ضعي في حله على النار ملعقة سمنه وملعقة زيت ذره وملعقة زبده بلدي(باخلطهم علشان يكون خفيف عن السمن فقط والزيت بيخليه يفلفل)
وحمري نصف الأرز (مغسول ومصفى = غير منقوع) مع التقليب المستمر حتى يصبح لونه ذهبي أو أصفر ثم ضعي عليه باقي الأرز وقلبيه تقليبه واحده
واسقيه بالماء أو المرقه (باستخدم خليط من الماء والمرقه) ويفضل تكون مغليه(لكل كوب أرز كوب وربع ماء أو مرقه) ولا يضاف له أي بهارات فقط ملح
واتركيه حتي يشرب ميته والماء أو المرقه يصبح في نفس مستوى الأرز قلبيه تقلبيه وهدي النار على فوق(على أقل درجه) واعملي حفره في النصف تصل لأسفل الحله حتى يطلع البخار ليسوي الأرز اللي فوق وغطي الحله واتركيه حتى يستوي

وعلى فكره كل مازاد الدسم(السمنه والزبده كل ماطلع أحسن ومفلفل)

الأرز بالشعيريه:
----------------
نفس الطريقه بس بدل ماتحمري جزء من الأرز تحمري الشعيريه(حوالي ربع كوب على الكوب ونصف أرز) وتضيفي الرز والماء عليها وتزودي
في الماء بنصف مقدار الشعيريه اللي ضفتيها

وزودي المقدار حسب عدد الأفراد
25-05-1429 هـ, 11:39 مساءً
 


الساعة الآن 08:24 .