نصيحة لا اتابعين عندهم قدامك أشهر طويله


في الدكتورة ليلى المسعود بمستوصف السلام صراحة روعة بس مشكلهتها ما تطلع للمستشفيات عشان الولادة

وفي الدكتورة إيمان زكي بمركز العليا الطبي كمان هذي روووووووووووعة وتطلع المستشفيات



نصيحة لا اتبعين عند دكتورة بمستشفى مواعيدهم ترفع الضغط


والله يوقفك وييسر لك أمرك

الله يجزاكم خير
ايه والله صادقين

.........

يا بنات يا حلوين ايش احسن المملكه ولا الحمادى وقت الولاده اذا الدكتوره من نفس المستشفى؟؟؟
وهل صحيح ان اللى تولد بالمملكه يولدنها قيصري علشان تدفع فلوس زياده؟؟؟
هذا الكلام مو من عندى سمعته
والله اعلم
اللى عندها معلومات عن اي مستشفى منهم مين احسن دكتوره؟؟

الصراحة .. انا عاجبني المستشفى .. و تراني حارة و اعصب بسرعة .. يعني كل المشكلة انه بالريسبشن تصير اغلب المشاكل .. فيه موظفة مصرية دايم مفهية و ماتدري عن شي .. يعني مرة رحت عندي موعد الساعة تسعه و مادخلت الا ثنعش الا ربع تخيلي ..!!!
كله عشان طويلة العمر نست تطلب ملفي ..!!!!
ترا فيه موظفة سمراء حبوبة بالريسبشن اسمها لينا .. سعودية ... تحسيها صح شغل .. يعني لو عندك مشكلة مايحلها الا هي ..
و على فكرة ...
المشكلة اللي صارت معاك .. سببها البروفوسيورة على قولتك .. منال خرباش ..!! اغبى ماشفت ... انا حولوني لها موعد من المواعيد لان دكتورتي كانت مسافرة ... و شفت الضيم معها ... انواع الفلسفة ... و ماخلت شي الا و وصفته لي .. اغلى كريمات للبشرة ... و كلها مو داخلة ضمن التأمين و كانت تقدر تقول لي اشتري بالمرز زبدة الكاكاو و خلصنا ليه ادفع مية و ستين ريال على كريم يخلص باسبوعين ؟؟؟؟... و فوليك اسد حق ثلاث شهور .. و انا كنت خلاص المفروض شهر و اقطع الفوليك اسد ..!!!! و مثبتات حق خمس شهور و انا ماعندي مشكلة الحمدلله ...!!!
و اللي قهرني زيادة .. انها تطلب اشعة .. و تعمل مثل ماعملت فيك .. تطنيييييييش ..و يرسلون لشركة التأمين اني عملت سونار .. و هي اللي تدخل و تعمله بنفسها مو اخصائية الاشعة ..! و كل اللي سوته و رتني الجنين و سمعت النبض ..!! و بكذا راحت علي اشعة لان الشركة اعتبرتها اشعة شاملة مو من ضمن الموعد .. !!
انصحك اتركيها و اطلبي اي وحدة .. و الغريب انها شايفة نفسها بقووة .. و اللي سمعته انها تقول انا ما اولد ... طويلة العمر ماتجي الا بالحالات المتعسرة او بالقيصري ..!! اجل وش حادني اتحمل غرورها هالزيدية ؟
الشي الغريب انها كانت جالسة تقنعني اني استمر معها و لا ارجع لدكتورتي ... و انا امشيها على قد عقلها ... اقول اوكي بس خلصي هالموعد و ربي ماطبها عليك .. اصلاً حتى ممرضتها هندية ثقيلة دم و اسلوبها دفشششش .... وععع عليها

الصراحة بخصوص المملكة سمعت نفس اللي سمعتي ...
و صاحبتي قبل اسبوعين ولدت قيصري عندهم مع ان البيبي كان نازل و الرحم مفتوح .. بس قالوا ان الحبل السري ملفوف حول رقبته و عطوها مهلة قصيرة عشان تحدد اذا قيصري او ترا البيبي بيروح فيها ...! يعني يعملون ارعاب للوحدة المسكينة و تضطر توافق .. :(