اختي شوفي هذا الرابط فيه طريقه صنع البن وصنع اللبنه مجربين ومطمونين
http://forum.hawaaworld.com/showthre...E1%C8%ED%ED%CA

اما بخصوص الجبنه عندي الطريقه قالت عليها وحده قربتي لكن مش مجربتها للمصدقيه اذا حبيتي جربيها او انتظري علي اليومين الجاين عشان ناويه اجربها وبردلك خبر
على العموم هذه الطريقه
تغلي على النار تقريبا لتر حليب وبس يبداء بالغليان خليه يغلي كمان دقيقتين وبعدين اسكبي عليه 100 غرام خل ابيض ورشه كبيره ملح خشن او حسب ما بترغبي ملوحه الجينه وبعدين حاتشوفي الماي نزلت قاع القدر والجبنه ارتفعت الى الاعلى شيليها وحطيها بقماشه اللبنه الي ذكرتها بالرابط وهي بالقماشه جمعيها على بعض وشكليها على شكل مربع واعملي هيك من برات القماشه مافي داعي تحطي ايدك بالجبنه بتعرفي الجبنه حساسه وبتلقت اي شيء مكروب فالافضل جمعيها من برات القماشه وحطي القماشه على مصفايه وفوقها ثقل ( مثلا بريق الشاي كبير وفيه ماي ومسكر)ما تستعملي الماي هذه بس للثقل ههههههههه وخليها مده يوم او اكثر شوي لحد ما تشوفيها جامده مثل الجبنه الي نجيبها من السوق
وصحتين وعافيه
اختي رنين الصمت رح علمك طريقة الجبنة الشركسية , طيبة وصحية وبعملها على طول يعني مضمونة
بس انا بعملها بحليب المراعي
بتغلي الحليب على النار بس انتبهي يحترق ويلزق وقت يبلش يغلي جيبي ليمونة وبكل فقاعة حطي نقطة ليمون ضلي هيك ليفور بتشوفي علي وبعدين فرط احيانا بياخد شوية وقت بس لاتخافي بيفرط
بعدين بتجيبي مصفاية كبيرة بترفعي قطع الجبنة من الحليب وبتضعيها عالمصفاية وبترجعي بتغلي كمان بيفور وبيطلع جبنة
كرري العملية ليبقى ماء اخضر ارميه لاتضعيه فوق الجبنة
اذا بدك الجبنة لاكلة حلو متل الكنافة لاتضعيلها ملح
اما لللاكل العادي كل ما ترفعي كمية جبنة من الطنجرة رشي عليها شوية ملح
بالاخر حطي صحن او اية شي فوق الجبنة وحطي فوقه شي ثقيل لتتصفى الجبنة
رح تشوفي هيك عندك قرص جبنة طيبة وصحية وتدعيلي او تدعي علي
الف صحة اختي
الأخوات العزيزات

بصراحة ماني عارفة كيف أشكركم ولكن من قال لأخيه جزاك الله خيرا فقد أبلغ في الثناء كما قال الرسول صلى الله عليه وسلم (( فجزاكن الله خيرا ))

الأخت Em Tamer

أنا عملت قبل يومين طريقة بس ما ضبظت معاي يمكن لأني كنت أحرك الحليب بعد إضافة الخل ؟؟؟؟؟؟؟؟

حتى لما جيت أصفيه في قطعة شاش نزل كل الحليب وما بقي لا جبنة ولا شي والملح لازم خشن

أجرب طريقتك وان شاء الله تضبط معاي

الأخت tiaa

أجرب طريقتك باذن الله
مشكووورين
الحمد لله


الساعة الآن 01:42 .