مرحبا ياسيدات الاعمال
العذر والسموحه من الاخت الكرستاله
على فتحي لملف مشابه لملفها بس نبي نستفيد اكثر وخصوصا ان اسالتنا تضيع بين الصفحات

المهم نبي نتشارك بكل احتياجات المشغل من تجهيزه ونوع الاجهزه والاثاث الى طرق التعامل مع الزباين


يعني اللي فاتحه محل جديد
تقول نوع المدينه اللي هي فيها يعني كبيره وتجاريه ولا نااااايمه خخخ
وهل اثثت وجابت عاملات كثير ام لا

والصبغ وادوات التنظيف والكريمات بالكرتون ولا كميات بسيطه لين يمشي مشغلها


كمان التعاون واستقبال الزباين


هل تحاولون تتمسكون بالعروس وتغرونها اول ماتجيكم او تتركوها تتفرج وهي تقرر


انا عن نفسي

مدينه صغيره جدا

اثاثي بسيط
وهو مكتب وكنب صالون للاستعلامات
غرفه عروس وفيها سرير مكياج وكاب شعر وبخار وجه وتسريحتين ومرايه طويله ودرجين واحد كبير شوي مخليته للكريمات وادوات تجهيز العروس والصبغات
والثاني للمكياج وطبعا هالادراج متحركه

غرفه الاستشوار والصبغ واحيانا للقص اذا مافيه زحمه
تشمل تسريحه كبيره واستشوارات ومكوات سيراميك وفير وعربه سشوار وصبغ
وطاوله منيكير

غرفه انتظار الزباين
كنب وتلفزيون
وعندي كوفي شوب
وغرفه خاصه بمسيرات العرايس والكوش وتجهيز الحفلات
وغرفه لمندوبه مبيعلت
وغرفه مستخدمتها مستودع لين الاقي لها تاثيث مناسب او خياطه



وطبعا الصبغات وفرت درزنين من كل لون لاني لسه باديه



ها انتو كيف بداتو واللي باديه زمان
كيف تطلب اغراضها خصوصا اللي ماعندهم محلات تجهيز مشاغل
02-06-1429 هـ, 12:22 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مرحبا اختي بدر البدور

انا بالنسبة لي الاغراض تكون بالحبه يعني مااحاول اكثر او اشتري بالكرتون لان متعامله مع مندوب وهو الي يجيبها لي بسعر حلو بس اهم شي الديكور يكون ملفت وجذاب لانه اهم شي الستايل حق المحل وبصراحه انا الديكور كلفني شوي وتعبت عليه والحمدلله المردود مرررره حلو

والله يوفقك يارب
02-06-1429 هـ, 12:43 صباحاً
 
وين الباقين
ليكون كنسلوا مشاريعهم
02-06-1429 هـ, 07:33 صباحاً
 
اخت بدور فكرتكـ مره روووووووووووووعه ..


لى عوده بعد مااسوى مشغلى وابداء بالتائيث ..



الله يوفقك ..
02-06-1429 هـ, 01:28 مساءً
 
مرحبا ياحلوين
أنا في بداية الطريق توي أخلص أوراقي في البلديه الله يعين يبغاله طولة بااااااال ننتظر صاحبات الخبره يعطونا من خبرتهم
02-06-1429 هـ, 06:30 مساءً
 


الساعة الآن 11:56 .