شكرا لكن غالياتي ام حفصة و ام دندونة.
02-09-1424 هـ, 09:15 مساءً
 
تسلمي نور الهدي علي الوصفات وجزاكي الله خير
02-09-1424 هـ, 10:08 مساءً
 
شكرا لك اختي ام مقص.
02-09-1424 هـ, 10:35 مساءً
 
اسمحى لى اختى نور الهدى ان اكون اول من يبارك لكى بتثبيت موضوعك لانه فعلا يستحق و ممكن اخواتنا فى المنتدى ياخدوا منه افكار تعينهم على التنويع والتغيير فى الشهر الكريم و اسمحيلى اشارك معكى بسفرتى امبارح

1) خشاف بنفس الطريقه التى زكرتيها فوق بالضبط
2) صينيه خضار مشكل باللحم "بنسميه فى مصر ترلى "
3) ارز ابيض بالشعيريه
4) شوربه لسان عصفور
5)الحلو قطايف " و لقمه القاضى "من عند حماتى بصراحه مش انا اللى عملتها "
6) عصير فراوله طازجه "باحفظها فى الفريزر فى مواسمها و استخدمها دايما فى رمضان بتكون روعه كأنك لسه
شرياها حالا

كله متهيئلى معروف بس حاشرح لكم طريقه الخضار المشكل باللحم بجد روعه
المقادير :
لحم بقرى مقطع مكعبات صغيره و مسلوق
2 كوب مرقه اللحم
1/4 كيلو بذنجان اسود متقشرو مقطع مكعبات وسط لا صغيره و الا كبيره قوى
1/4 كيلو فلفل اخضر مقطع مكبات وسط
1/4 ك كوسه
1/4 ك فاصوليا خضرا
1/4 ك بسله وجزر
1/4 كيلو بطاطس مقطعه مكعبات
1 بصله كبيره مقطعه حلقات
4 فصوص ثوم مقطع قطع صغيره
2 كوب عصير طماطم مذوب فيه ملعقه معجون طماطم "صلصه "
ملح +فلفل
زيت للقلى مخلوط معه ملعقه سمن

الطريقه :
تقلى جميع الخضراوات السابقه فى الزيت على التوالى نصف قليه يعنى يدوب تشقر
و توضع على ورق نشاف لامتصاص الزيت
ملحوظه : البصل ميصفرش يدوب يدبل
نشوح كله فى الاول قبل البذنجان نخليه فى الاخر علشان بيسود الزيت
لبسله تحمر مده بسيطه قوى علشان متتقشرش

يوضع كل الخضار فى صينيه و توضع قطع اللحم المسلوقه و توضع الطماطم بالصلصه و الملح و الفلفل و تدخل الفرن تتسبك شويه على درجه 160 لمده 1/4 ساعه ثم بعد \لك نضع الشوربه و نتركها فى الفرن على درجه 180 لمده 1/2 ساعه حتى تتشرب و يحمر الوجه و بالهنا و الشفا
:24: :24:

ياللا شاركوا معانا بسفرتكم الرمضانيه و كل سنه و انتم طيبين و رمضان كريم :24: :24: :24:
03-09-1424 هـ, 10:14 صباحاً
 
شكرا حبيبتي ام دندونة و الله يبارك فيك و يا ريت كل الاخوات تشارك بما تستطيع من الاطباق حتى نكون ملف رمضاني
متنوع.و ان شاء الله سأنزل المزيد من الاطباق.
03-09-1424 هـ, 11:33 صباحاً
 


الساعة الآن 09:27 .