السلام عليكم : طبعا هذا اول موضوع لي في هذا القسم واطلب منكم انكم تساعدوني


لان صديقتي مزنوكه وقلت بتساعدونها ان شاء الله00000000


صديقتي تبي احد يدلها على مشغل للبيع بمحافظة الخرج, وكذالك تسأل هل المعلمه يحق لها ان تفتح


مشغل باسمها , وتي شروط فتح مشغل جديد00


وتبي صاحبات المشاغل يعطونها تجاربهم والسلبيات والايجابيات 0



معليش كثرة عليكم بس لاتخيبوني وتقبلوا تحياتي0***

04-06-1429 هـ, 01:16 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يسعدني اكون اول مساركه في موضوعك
وهذا لان فينا حميه وفزعه اخخخخخخخ
مالك بالطويله
اختي انا سابقاً كنت صاحبة مشغل
فافضل لها صاحبتك انها تشتريه برخصته افضل واسرع عن الروتين والمطالبات والروحات والجيات من البلديه والاستماره للموفيقه عليها كمعلمه لاجل تطلع رخصه باسمها لاكن الاختصار افضل لو تشتريه ويكون جاهز من مجاميعه من اثاث واجهزه ومعدات وديكور واذا عليه رخصه وتاشيرات يكون احسن بعد
انا طبعا من سكان الرياض وماقدر افيدك عن وش موجود بالخرج يمكن الاخوات اللي هناك يفيدونك افادهم الله
اما من ناحية السلبيات الشغله يبيلها صبر ودعم مادي ومعنوي في السنه الاول ولا تنتظر مدخول كبير ولا بسيط من اول سنه من نظرتي انه في البدايه لازم تمولين المشروع وتدعمينه بالماده والتحسينات لحد مايوقف على رجوله و يبيله طولة بال وترى رح ياخذ منها اكثر من تاخذ منه في البدايه ...والحلو في الموضوع انها مدرسه يعني عندها راتبه يعني في اوقات الركود بدل مايهجون العاملات من قلة الراتب والدخل رح يكون عندها دخل ومصرف للمشغل من جهة الراتب الوظيفي
النقطه الثانيه السلبيه مشاكل العاملات الله يعينها ويوفقها بعاملات لطاف لانها اخلاقيات تختلف من وحده واخرى بس اهم شي الاحتواى وطولة البال وتحاول انها ماتشغل بالها في مشاكلهم تعيين مشرفه عالمشغل تكون قويه وحازمه وتحتوىي العاملات مو تطفشهم وايضا ترفه عنهم بين وقت واخر مو حلو كثر الكبت لهم ...
والايجابيات تحقيق الذات وطموحها يزيد وايضا يكون منفس وملتقى لها ولاصاحباتها اذا فيه كورنر كوفي ومدخول حلو اذا تحققت شروط النجاح والتوفيق بيد الله ..
وعقبال ماتكون سيدة اعمال ناجحه بإذن الله وتكون سمعة مشغلها واااو ..
وتفتح لها فروع ان شاء اللهاتمنى اكون افدتك ولو ببعض الشي وننتظر الاخوزات يفيدونك اكثر..
بالتوفيق حبيبتي
04-06-1429 هـ, 02:59 صباحاً
 
لعيوووونك فووووق
04-06-1429 هـ, 03:06 صباحاً
 
بالتوفيق حبيبتي
04-06-1429 هـ, 04:04 صباحاً
 
أم فارس : رائعه في اسلوبك رائعه في ردك 000أسال


الله ان يفتح لك باب رزق من عنده وان يعوضك خير


استفادت الكثير وايضا انا استفدت 00 غاليتي اذن المعلمه تستطيع ان تفتح مشفل


اتمنى منك التواصل معي دائما واااااااااااااااااااااااااااااالف شكر.............
04-06-1429 هـ, 04:07 صباحاً
 


الساعة الآن 07:01 .