عذبه انا

عذبه انا @aathbh_ana

محررة برونزية

كلف .. كلف .. كلف .. يهكون علينا وحنا نصدق

ساعدوني

ابي محل كلف رخيص بالرياض .. عاد مهوب ابو نعيله
يعني عنده شي مرتب وناعم .. ما احب القرابيع الكثيره والحوسه
رحت للاندلس حسيته نصاب ويلعب علي ويبي يستغلني ويتجر من وراي .. على باله بموت ان ماخذت كلفه من عنده
يعني الكلفه ماتستحق السعر اللي يقوله بالمررررره .. وجع سعر الكلفه اضعاف سعر الفستان .. متاكده ماخذ ربحها اضعاف .. بس لاقي هالحريم يهك عليهن ويصدقن
مادري يحسب كل الحريم مهبل يصدقونهم لين قعدوا يمدحون ببضاعتهم
ويوم قلت له غاليه قعد يوريني كلف اغلى من اللي طلبت ويستعرض باللي خذوا منها
قلت له مير والله لو تعطينيها بلاش وقسم ما اخذها
قال الناس اذواق .. قلت داريه كل ساقطه لها لاقطه

المهم
انا ممكن اخذ غاليه ورايحه حاطه ببالي ان الكلفه راح تكون غاليه وما عندي اي مشكله
بس يوم جا وقت الجد وقال السعر اوجعني قلبي حرام ادفع هالقيمه والبسها مره وارميها وفيه ناس محتاجه
وابليس قاعد يقول لي: خذيهااا
وانا اقول: لا تحاول الله لايعاقبنااا .. لو يدري واحد من هالضعوف بالقيمه اللي دفعتها على هالقطيعها بينجلط
قال: يابنت الناس مهوب داري عنتس .. ماحدن معلمه .. يحسب غيرتس اللي ماخذها
قلت: تهقى
قال: ايه توكلي على الله بس وخذيها .. لاتقعدين توجعين راستس وتلفين عالمحلات
قلت: لا منيب لو مادرى عني هالضعيف .. ما ابي ذا يستغلني .. مارفع السعر كذا الا هو لاقي مهبل ياخذون
وانا منيب صايرتن منهم .. خل يدري انا عارفين انه يلعب علينا

وطلعت من المحل بسرعه قبل يقواني ابليس

والحين رجعت البيت وابليس مازال يزن على راسي اني اروح اخذها وان راعي المحل مادرى عني ولا هميته لانه لاقي مهبل واجد يهك عليهن غيري

عاونوني يا بنات على ابليس قبل يقواني
دلوني على محلات كلف رخيصه وين احصل ؟؟؟ باي سوق؟
25
4K

هذا الموضوع مغلق.

درة نجد
درة نجد
في شارع العطايف

فرق في السعر

مقابل الزمزمي وجنبه

بس فيه درجات

يعني باختصار

المتر من الزمزمي أصلي ب400

وعنده ب أقل من مية

بس درجات

وكثير منها مقبول

ومع الاضاءة تطلع روعة

أنا عن نفسي سألت الزمزمي عن الكرستال الكبار === الوحده من 15 وفيها

وشريت من الي قباله 12 حبه ب 10 ريال
وعند ثاني الحبة ب 5

صح تختلف لكن تؤدي الغرض

وترى المشاغل غالبا ما يشترون من الاصلي وياخذون من الزبونة سعر الأصلي


بتنهبلين من الفرق في الاسعار بين هالمحلات ومحلات الاسواق


بالتوفيق
أحبك يازوجي
أحبك يازوجي
اهلين اختي في محلات في شرق الرياض في اسواق حجاب في حي النسيم واسعاره جدا مناسبة


وربي يوفقك
**شذا الورود**
**شذا الورود**
اعجبني اسلوبك بالموضوع ووسعتي صدري اجل قلتي لابليس تهقى ههههههههه
للرفع وان شاء الله تلقين حاجتك ..
خلود ام العنود
فبه عندك محل في العويس عند محلات ابو عشره تحصلين عنده اشياء حلوه
جسر الوفاء
جسر الوفاء
شارع السويلم مين محت كلف