هلا اخت bello

ولا يهمك عزيزتي بتصير كتير

الحقيقة عملتها بالبيت من زمان بس ما كانت كتير زيادة يعني ماشي حالها بس مو متل الجاهز ابدا

وبصراحة مارجعت عملتها مرة تاني

بس بما انك فتحت الموضوع بدي اسألك اذا عملتها مرة تاني

احط فلفل اسود وبهار او بأثر على الطعم؟؟؟

و بيزبط اذا ما حطيت بيكربونات الصوديوم ووضعت بدالها بكينع بودر ؟؟؟

واذا بينفع اشقد احط بكنع بودر لمثلا 3 كاسات من الحمص الحب

على فكرة انا بدي اعملها بالحمص والبقدونس بدون فول لان ماعندي فاذا عندكم اي اضافات او نصائح ياريت ما تبخلوا علي فيها

واخر سؤال" واعذريني ان طولت عليك " بينفع اعمل الخلطة واحفظها بالثلاجة لوقت الحاجة ؟؟؟؟؟؟؟؟؟؟؟؟ ,وفي شئ معين المفروض اضيفه في هذه الحالة ؟


لا تاخذيني على كثرةالاسئلة بس ما صدقت حدا يرد علي
( اذهبا إلى فرعون إنه طغى * فقولا له قولا لينا )


عندما قرأ قتادة هذه الآية قال: سبحانك ربي ما أحلمك ، ما أعظمك، إذا كان هذا حلمك بفرعون

الذي قال: أنا ربكم الأعلى .. فكيف حلمك بعبد قال : " سبحان ربي الأعلى"
السلام عليكم فتاة سوريه وآسفه مره تانيه على التأخير
بالنسبه للبهارات في بهارات خاصه للفلافل تو جد عادة في محلات العرب او جيبيها من سوريه ان شاء الله بس تروحي لكن ان ما عندك وانا ما بتكون دائما متوفره عندي بحط بهارات مشكله من اللي بنستخدمها في الطبخ السوري واضيفي بشكل خاص الكزبره اليابسه والكمون وبتطلع طيبه ان شاء الله وما بتأثر على الطعم .
بالنسبه للبيكربونات انا كمان لما ما يكون عندي بيكربونات بستخدم البيكنج باودر وكمان بيمشي الحال لأنك ان قريتي المكونات على البيكنج باودر رح تلاقي فيه بيكربونات وانا بالفعل لما ما يكون عندي بيكربونات متل ما قلت بستخدم بيكنج باودر. لما تنقعي الحمص حطي ملعقة طعام بيكنج باودر وعلى كل حال ما رح يؤثر لأنك بعد النفع رح تكبي ميته وتغسليه.
اما بالنسبه للحمص والفول فأنا جربت اعمل الفلافل بالحمص لوحده وبالحمص والفول<فول ميبس ومقشر ينقع مع الحمص> بس لقيت انو الفلافل بالحمص لوحده كأنه اطيب لكن الموضوع حسب الرغبه وذوق كل واحد فإذا ما عندك فول استخدمي حمص لوحده بيمشي الحال وقد تلاقيه اطيب متل ما لقيته.
اما عن التفريز فأنا بفرزها وهي بتتفرز بشكل ممتاز فكيلو الحمص اليابس بيعمل لي اربع وجبات حطي كل وجبه لوحدها ,بس اذا حبيتي تحطي بيضه للفلافل قبل القلي حتى يطلع مقرمش لاتحطي البيضه وتفرزي العجينه بل ضيفي البيضه بعد ما تطالعيها من الفريزر وتدوب بتحطيلها بيضه قبل القلي..ان شاء الله كون جاوبت عن كل تساؤلاتك وان احتجتي شي تاني نادي علي وان شاء الله هالمره بركض على طول ..اعمليها وبشريني وبالتوفيق ان شاء الله:24:
السلام عليكم و رحمة الله و بركاته
مشكوورن اخواتي على المجهودات الكبيرة التي تقومون بها

و هده اول مشاركة لي في المنتدى و حبيت استفسر عن بعض الامور بخصوص الفلالفل
و انا من زمان نفسي اكل هده الاكلة الشهية الي نسمع عليها بالمسلسلات بس
و لدلك اريد ان اعرف مادا تقصدون بالالة اليدوية الخاصة بصنع الفلافل يعني كيف هو شكلها و هل هي الة صنعت مخصوص لصنع الفلافل او يمكن الاستغناء عليها بالة اخرى
بخصوص الحمص المنقوع و المرحي في المنزل هل يمكن الاستغناء عليه بحمص مرحي جاهز من الاسواق

و شكراااااا
مرحبا بك كونان ،من زمان جدا لم اشارك بالمنتدى يمكن من سنه لكني وجدت اشعار بمشاركتك في بريدي الالكتروني فحبيت رحب فيكي .. آلة الفلافل يمكن الاستغناء عنها وتكوير اقرص الفلافل باليد ولامشكله،آسفه حاولت البحث عن صوره فلم اجد اما الحمص المطحون فلا اعرفه ولكن المهم ان يكون غير مطبوخ يعني ينقع الحمص يطحن- دون ان ان يسلق -مع بقية المقادير ثم يقلى وبالتوفيق
اقتباس مشاركة  (belle)
مرحبا بك كونان ،من زمان جدا لم اشارك بالمنتدى يمكن من سنه لكني وجدت اشعار بمشاركتك في بريدي الالكتروني فحبيت رحب فيكي .. آلة الفلافل يمكن الاستغناء عنها وتكوير اقرص الفلافل باليد ولامشكله،آسفه حاولت البحث عن صوره فلم اجد اما الحمص المطحون فلا اعرفه ولكن المهم ان يكون غير مطبوخ يعني ينقع الحمص يطحن- دون ان ان يسلق -مع بقية المقادير ثم يقلى وبالتوفيق
مشكووووورة اختي على ردك السريع و اجابتك عن سؤالي
و ان شاء الله غدا اجربها و شكرا على التوضيح المهم بخصوص الالة

انتم بس ادعوووولي تنجح الطبخة

تحياتي


الساعة الآن 06:30 .