والله عن جد اول مرة اسمع متل هيك شى انا شكلى كنت اخبص فيها والله العضيم استفد ت كثيييييييييييييير منك الف الف شكر حبيبتى وجزاك الله كل الخير belle دمتى لى صديقة وفية واعذرينى تعبتك معى


تحية من اعماق قلبى على مجهودك
العفو ام صموده وبالعافيه ،نسيت قلك عن البهارات ممكن تشتريها جاهزه متل ما قالت الغاليه اسلاميه واذا ماعندك حطي رشه من بهارات متنوعه شوية فلفل وقرفه ووغيرها في نوع بهارات اسمه seven spicesونوع تاني اسمهfour spicesمكن يقضوا الغرض وتوصي بشكل خاص بالكمون والكزبره اما كزبره ناشفه او خضرا تطحن مع الحمص وبقية المقادير. انا افتكرت عندك فكره،قلت بتوسع شوي بالموضوع على كل حال ان احتجتي اي شي بس ناديلي انا هون مو بعيده وبالتوفيق ان شاء الله :24:
belle والله انك بنت حلال وتستاهلى كل خير .....شكرا لااهتمامك باسؤالى قلبى داعيلك بكل خير ***** الله ....حبيت اسالك وانا متاسفة لاننى بتعبك معى بعد مااضع الفلافل فى الزيت دوب تتحمر واشيلها بسرعة انا جربت زمان لكن تطلع مو مستوية من الداخل ياترى هى شكلها هيك يعنى مو باالضرورة تكون يابسة شوى ومستوية فهمتى حبيبتى اللى اقصده-



وفقك الله ورعاك
السلام عليكم ام صموده ما يهمك لاتعب ولاهم يحزنون،بالنسبه لفلافل لايكون القرص ضخم وسميك كتير حتى يستوي من جوه اعملي قرص معقول ما يكون سميك كتير وبعدين الزيت صحيح لازم يكون حار تماما بس مايدخن لأنه بهالحاله رح يحمر القرص من بره ويستوي ومن جوه لسه ني ما استوى اذا صار الزيت يدخن من كتر الحراره خففي النار شوي يعني تحكمي بالنار كمان بحيث يكون الزيت حار تماما بس ما يكون مدخن. علي النار ووطيها حسب حالة الزيت ،الموضوع سهل مو معقد وان شاء الله بيطلع عندك قرص احمر ومقرمش يا ريتك كنت جنبي عندي عجينة فلافل بالفريزر جاهزه بس بدها قلي. طمنيني شو بيصير معك وبالتوفيق ان شاء الله. :24:
انا كمان استفدت كثير من الاخوات ...الله يعطيهم العافية ويجزاهم كل خير...

بس عندي اضافة صغيرة...مثل ما قالت الاخت belle..الزيت يجب ان يكون حار ولكنه لا يدخن حتى تستوي الفلافل مزبوط...وكمان حجم الاقراص وسمكها معقول
وبالنسبة للفتفة عند القلي..فأهم شئ انك ما تحركيهم بمجرد ما تقليهم في الزيت..استني لما ترتفع الحبات وتطوش على الوجه وبعدين حركيهم شوي وبمجرد ما يشقروا منيح (عسلي فاتح ) طلعيهم لانهم بعد ما تطلعيهم راح يغمقوا كمان شوي وصفيهم من الزيت طبعا..يعني خليهم بمصفاة...لانك لما تحركيهم اول ما تحطيهم بالزيت وهم بالقاع راح يتفتفتوا (من نصائح وخبرة امي الله يخليها)

وصحة وعافية..بصراحة مفكرة اجرب الفلافل ها اليومين..وفكرة الخميرة اول مرة اسمع فيها..بس كنت افكر بنحطلهم كربونات..ان شاء الله بجربها وبخبركم..وانتي كمان خبرينا باللي بيصير معك عشان نستفيد
وفقنا الله لما يحبه و يرضاه



الساعة الآن 04:49 .