هلا بالجميع بما فيهم أم صمودة.....سووووووووووووووووووووووووووري على التأخير...
هذي المقادير اللي وعدتك فيها:
2 كوب فول مجروش
1 كوب حمص
2 كوب بصل أخضر مفروم
1 كوب بصل أبيض مفروم
1 كوب كزبرة مفرومة
1 كوب بقدونس مفروم
2 ملعقة أكل ثوم مفروم
1 ملعقة صغيرة بيكربونات الصودا
3 ملعقة أكل بيكنج باودر
1 ملعقة أكل ملح
1 ملعقة صغيرة كمون
1 ملعقة صغيرة كزبرة
2/1 ملعقة صغيرة فلفل أسود
سمسم للزينة
& ينقع الفول والحمص في الماء لمدة 12 ساعة ثم يطحنان مع بقية المقادير وتقرص ثم تقلى في الزيت.....وبالعافية
08-04-1424 هـ, 03:15 مساءً
 
غاليتي ام صمودة

بألف صحة وهنا على قلبك أختي :24:

والله لولا إنشغالي كان رديت عليكي بسرعة اكبر والله كتبت لك الرد

وانا جداً منحرجة من تأخيري فاعذريني أختي وإن شاء الله تعجبك

وتحوز على رضاكي

غاليتي islamya

الحمد لله لقيت لي حدا غيري ما بيستخدم البيكربونات

إن شاء الله بقية الأخوات يقتنعوا بكلامنا وبتجاربنا ويوقفوا استخدام البيكربونات

بالنقع .

صحيح islamya أنا قاعدة بنشف بندورة حتى أسوي وصفتك الـ تسلم

ايديكي مقدماً
09-04-1424 هـ, 05:40 مساءً
 
السلام عليكم طوق الياسمين واسلاميه ،بالنسبه للبيكربونات اول مره اسمع ان البيكربونات تمنع عمل الفيتامينات,بس معقول و المبدأ معروف متل منع العفص في الشاي امتصاص الحديد اومنع الفلوريد امتصاص الكلس ،لكن اسلاميه بالنسبه للحموضه لا يمكن ان تكون البيكربونات هي السبب لأن البيكربونات كما هو معروف ماده قلويه تماما اي تقلل من حموضة المعده ،اظن ان السبب هو الحمص شخصيا ،هو لذيذ جدا و مفيد جدا كماده غذائيه بس كل ما اكلته بتكركب كركبه بيقولوا الكمون مفيد لمثل هذه الأمور لكن مع ذلك لا فائده..يللا هو يوم وبيمر..بالنسبه لنفشان الفلافل حطي كما ذكرت خميرة خبز وخليها تخمر وبعدين اقليها وشوفي النفشان وادعيلي على فكره واحد بياع فلافل قال هالشي لصاحبتي لما سألته عن سر نفشان القرص طبعا بعد استعطافه بأنها مغتربه وحابه تساويها و بتشتهيها ،الخ الخ فكشف لها عن سر المهنه جربي وما بتندمي اما عن التقريص قبل القلي معقوله بجرب ولو اني بخاف يفرط القرص اثناء نقله بس بجرب ان شاء الله.وبعدين ام صمووووده شو صار معك اتاخدنا بالعبطه ونسيناكي شو ؟؟بشري!
10-04-1424 هـ, 12:03 مساءً
 
شهيتينى belle أجرب طريقتك بالخميرة بس قبل ما أجرب خليني أتأكد إني فهمتها صح ..

أنتي بتعملي عجينة فلافل وبتحطي الخميرة وبتتركيها لتتخمر وبعدين بترجعي تحطي البيكنج

والبيضة وبتقرصيهم على طول ..يعني ما بيرتاحوا بعد البيكينج باودر؟

واذا ما فيها غلبة كم مقدار الخميرة والبيكنج لكوب حمص منقوع..؟

باختصار لو ما فيها غلبة تكتبي لي مقاديرك حتى أجرب فلافلك ..وبالنسبة للفلافل ما راح يفرط وأنتي

بتقليه واذا خايفة ليفرط انقليه بالسكين للمقلاية.
10-04-1424 هـ, 06:07 مساءً
 
السلام عليكم طوق الياسمين لاغلبه ولاشي ما يهمك، يا ستي طريقتي بتشبه طريقتك كتير بس انا بعمل نصف كيلو حمص يعني يمكن شي كاستين ونص
انقع نصف كيلو حمص ليله كامله وفي الصباح اغسله واصفيه (طبعا كنت استخدم البيكربونات اثناء النقع ولكني برمي ميته في الصباح وبغسله)
اطحن الحمص مع نصف باقة بقدونس وشوية كزبره خضرا وبصلتين مناح وحوالي تلات او اربع اسنان ثوم، افرم هذا كله على الشفره الناعمه لماكينة اللحمه والعجينه لازم تكون ناعمه بقدر الامكان والا بتفرط الفلافل اذا كانت خشنه
تبهر العجينه ببهارات الفلافل او بالبهارات المشكله المتوفره اي فلفل،قرفه،كزبره ناشفه ،كمون الخ وتوصي بشكل خاص بالكمون والكزبره الناشفه.
الآن اذيبي شي ملعقة طعام خميرة خبز في قليل من الماء( شي تلت كاسة شاي صغيره) ورشة سكر وخليها تنتفخ،وبعدين اضيفيها للعجينه واخلطيها وخليها ترتاح ساعتين او تلاته رح تشوفي العجينه صارت خفيفه ،خلص العجينه صارت جاهزه ،وقت بدك تقلي اخلطيلها بيضه وظرف بينكج باودر(يعني شي ملعقة طعام ممسوحه)ومافي داعي ترتاح هي ارتاحت سابقا والبيكنج باودر متل ما بتعرفي فوريه .وان شاء الله بالهنا والشفا .اذا كانت عائلتك صغيره اقسمي العجينه قسمين واحتفظي بالنصف في الفريزر في هذه الحاله اضيفي البيضه والبيكنج باودر فقط لنصف اللي رح تقليه اما النصف المجمد بامكانك اضافتها له بعد اخراجها وذوبانها.وصحتين وهنا. :24:
10-04-1424 هـ, 08:03 مساءً
 


الساعة الآن 10:51 .