اخواتي الحبيبات
جرح ورا جرح : اتمنى ان البنات يفيدوك وانا تعرفي اعاني من مشكله اكبر ان الاغراض احيانا تجيني بنفس اليوم ومطبخي صغييييييييييييي ييير جدا وشوفي الحوسة

ديمة شوق : قواعد مختصره ومهمه

سرموده : اشكرك ياقلبي على الاضافه وذكر الامثله الاكثر من رائعة تسلم يمينك

ghadaforex: ملاحظة مره روعه ان الاكل عكس لون الطبق جدا دقيقه ومفيده تسلمي يارب

ماء القمر : حياك ربي وياهلا بك واشكرك على اجابت الدعوه

اشكركم جميعا على هذه المعلومات المهمة لكل منا لنضع لنا اساس نقوم عليه
سبحان الله وبحمده - سبحان الله العظيم


ربي اسالك القبول
يعني ممكن نلخص بعض النقاط من مشاركاتكم والتي والله هي التي شكلت هذه القواعد المهمة وهذا والله جهد تعاونكم :
1- يجب عليك ان تتهئ نفسيا قبل عمل البوفيه

2- يجب عليك ان ترتبي افكارك عما سوف تحضريه من اطباق ومن الممكن تسجيلها في ورقه وقلم ليسهل عليك التنفيذ

3- يجب توفير اغراض الطبخ قبل فتره مناسبة

4- يجب اعداد شكل البوفيه الطاولات والطباق والمناديل ...الخ قبل فتره مناسبة واحرصي على الالوان الزاهية

5- الحلويات من الافضل ان تعد قبل اليوم المحدد لتخفف عنك العبء وتضمني نجاهها لانها تحتاج لوقت في التبريد

6- من الممكن اعداد المحاشي والفطائر قبل لانها تاخذ من وقتك الكثير

7- من الممكن اعداد الصوص وتقطيع بعض الخضار التي لا تتاثر كذلك من الممكن تحضير اللحم والدجاج والسمك ...الخ وحفظها

8- ملاحظات مهمة :
@اختاري الاطباق التي قمتي باعدادها مسبقا لتضمني نجاحها
@اختاري الاطباق سهلة الاعداد
@اهتمي بترتيب السفره لان سفره مرتيه + اطباق عادية = سفره شهيه وغريبه
@ احرصي على اعداد الاطباق مع ما يتناسب وذوق ضيوفك
@ اهتمي بالاطباق الرئيسية قبل غيرها

اخواتي الحبيبات هذا ما تمكنت من استخلاصه من تجاربكم ونصائحكم واذا فيه زياده اتمنى من كل قلبي ان تتكرمي اختي الفاضلة باضافته
ولك مني شكر خالص ودعوة صادقة

سبحان الله وبحمده - سبحان الله العظيم


ربي اسالك القبول
هلا ياقلبي ومشكوره على الدعوه واسفه على تأخيري على الرد لظروف مفاجأه

عموما حبيبتي

بالنسبه لي زي ماقالوا بعض البنات حسب الضيوف اذا كان رجال
بالنسبه للسلطات

افضل تكون تقليديه لان هالشي اغلب الرجال يفضلوونه مثل السلطه العاديه او الفتوش او التبوله يعني اتحاشى وضع الزبادي معها او الصوصات الا اذا كنت مسويه اكثر من نوع سلطه
اما بالنسبه للحريم طبعا اشكل ودور على الجديد للسلطات

اما الاطباق الرئيسيه بالنسبه للرجال يكون مثلا رز او ورق عنب محشي مرقوق يعني مايكون شغل جامد اشياء تقليديه معروفه؟
اما الحريم احاول اعمل اشياء جديده واكثر من عمل الصياني والمقبلات
اما الحلى
اكون عاملته قبل بيوم واكون مسويه حلى يكون جددي بس سهل؟ وممكن اقدم فاكهه واقدم صنف واحد من الحلى
او اقدم عوضا عنهم عصير ليمون بالنعناع او شمبانيا السعوديه هذا بالنسبه للرجال

اما الحريم النسواااان احاول اسوي حلى جديد غريب وممكن اتفنن فيه

وسلامتك ياقلبي
سبحان الله وبحمده سبحان الله العظيم
والله انا اشوف عدة عوامل

اولا لاتجازفين بأطباق جديده تسوينها لأول مره لا انا اسوي اللي ضامنته بإذن الله

ثانيا نوعية المعازيم يعني بنات او حريم كبار او حفلة اطفال ..

ونوعية المعازيم ايضا من ناحية الاكل لأنه في ناس بصراحه ذويقين اكل

يعني يفرحونك ويقدرون تعبك وناس فاهمه بالاكل فأحب اني اتفنن اكثر

وارويهم شطارتي واسوي انواع غريبه من السلطات والحلويات

وفي ناس لا والله حدهم تبوله لو تسوين اشياء غريبه او سي فود

بيقعدون يقولون وشو ذا مانعرفه ويقرفون بصراحه ليش التعب

اسوي الاشياء التقليديه والحمدلله ..

ثالثا الجو ..في الشتا حلو المرقوق والحنيني وغيره من الاكلات الشعبيه

اما حنيني بالصيف والله ينشوون ..

رابعا احاول اوازن بين الاصناف يعني مثلا السلطات احط انواع عاديه

للكبار في السن والناس اللي ماتحب الخرابيط (( أعاني منهم ))

يعني تبوله فتوش .. واحط سلطات منوعه بأنواع الصوص

واحرص مثلا ماتكون كلها فيها نفس المكون يعني مو كل سلطاتي

فيها ذره مثلا ..

والاكل لايصير كله دجاج ..نوعي شي دجاج شي لحم ..

لاتحطين مثلا نوعين متشابهين .. يعني مكرونه بالبشاميل ولازانيا

تقريبا نفس المكونات والطعم ماله داعي..

لاتحطين مثلا اغلب البوفيه بالصلصه البيضا يعني فيتوتشيني

و جمبري و دجاج بالصلصه البيضا حاولي يكون في تنوع

لأنه في ناس ماتحبها .. انا اعطيك مثال لكن انتِ طبقيه على باقي الاكل

خامسا طريقة التحضير لا تحطين كل اكلك مقالي وبعدين تتعبين

لأنه لازم كل الاكل ينقلى قبل التقديم وتعب وغثا وحوسه

حاولي تختارين اشياء ممكن تتسوى من بدري من ورق عنب كبه

او صواني بحيث انه يسخن في اللحظه الاخيره ..

سادسا المقادير المتوفره احاول قد مااقدر مااقضي اشياء كثيره

احاول استهلك اللي عندي قبل لايخرب ..

هذا اللي جا في بالي حاليا ..
الحمدلله ,, ماشاء الله لاقوة إلا بالله


مكرر
الحمدلله ,, ماشاء الله لاقوة إلا بالله




الساعة الآن 06:35 .