مرات ريحة البيض ما تخوز من الكيكة

ومرات وايد ما تنتفخ عندي

مع إني ما أفتح الفرن لمدة ثلث ساعة

و ظابطة المقادير

وأحمي الفرن قبل لا أطبخ الكيكة




فمش عارفة شو السالفة

هلا اختي اولا كيف طريقتك في الكيك

يعني مقاديرك عشان نقدر نساعدك
هلا المزيونه...

أانا مثلك يالمزيونة والله ولامره سويت حلى وضبط معااي كل مره يخترب علي ليه ماادري
والاكلات الدسمه اووه ممتازه فيها...

سبحان الله وبحمده.. سبحان الله العظيم..
حبيبتي سر الكيكه في البكنج بودر
انا كنت اخذ طريقتها من الكتب واختبص بدون فايده ومره رحت لجدتي تسوي الكيك يجنن ويوم قلتلها ايش مقاديريك قالت والله كذا بدون مقادير ورحت معها على المطبخ لقيتها تحط البكم بودر ملعقه كبيره مو ملعقة شاي زيما كنت احدط دايم ولقيتها تخلط مع البيض فانيلا وهو لحاله قبل تخلطه مع باقي المقادير

جربتها ومن يومها لحد دحين اربع سنين وانا مشهوره بأتقان الكيك جربي ومراح تندمين بايوووو


الا على فكره انا نفس مشكلتك في البسبوسه ولامره زبطت معايالافيما ندر دايم اقسى من الحجر اكيد لها سر هي الثانيه
البسبوسه ولا في اسهل منها واللي تبي طريقتها تقولي

والكيك له اسباب كثيره انه ما ينجح

ريحة البيض تحلها الفانيلا قبل توضع على خليط الكيك

وما تنتفخ عندج اما ان الفرن مو حار كفايه او العكس انه حار كثير ولازم يكون الفرن حرارته وسط

ويجب ان يكون خفق الزبده والسكر ضروريا حتى يصبح الخليط هشا والسكر يذوب تماما بالزبده

والبيض لازم يكون دافي لا تستعملينه على طول من الثلاجه

والطحين او اي مواد جافه يستحسن انج تنخلينها

وان شاء الله اكون افدتج ولو بشي بسيط


الساعة الآن 02:22 .