اخس شي يوم يمر رمضان وانتي ماعندج شغاله،، اذكر قبل اربع سنوات شردت شغالتنا قريب ارمضان وحزتها مكاتب الخدم ما يستقبلون طلبات وزحمه على الشغالات حتى مايلقون لهم كرسي فالطياره،، فقررنا انا واختي ان نسوي Contract ويا مطعم وصللونا الأكل على طول شهر رمضان،، حتى مادخلنا المطبخ الا قريب الفطور نسوي الشوربه ونحط حق اليران وحتى فالبيت يبنالهم صحون بلاستك...

السنوات اللي بعدها ،،، رمضان مر علينا في قمة الروووووعه ولله الحمد.
10-06-1429 هـ, 11:57 صباحاً
 
سلااااااااااااااااااااامي للجميع
الله يبلغنا شهر رمضان واحنا بأتم الصحه
انا ما كنت افكر انه راح يصير زحمه عندي بشهر رمضان لاني افرزن بعض الاكلات ويبقى القلي بس
لكن السنه والحمد لله اني حامل وببداية الشهور ما عارفه شلون اتصرف
ابيكم تنصحوني
10-06-1429 هـ, 12:20 مساءً
 
يا الله يابنات لايشغلكم التفكير بشغل رمضان من الحين



والله مانا في قحط ياربي لك الحمد فكرن بالاعمال الصالحة كيف نسويها



من الحين والشيطان شاد حيله لانه عارف انه في رمضان مصفود هو وشياطينه


فالقنوات من الحين ترتب وتفكر بما يشغل الناس عن العباده في رمضان


وربات البيوت من الحين يجهزن ويطبخن ويفرزلن انا والله معاكن بكل معاناتكن


بس كم سنه وانا الشيل وحق لرمضان وعزايمه بس والله يوم الفكر


لين جهدي وتعبي رايح في المطبخ والعباده يالله افضي وقراء القرآن


وحياناُ يخلص الشهر الكريم ماختمت فيه والطبخ ياكثر مطبخ لاكن النعمة تزود


فقررات التقتصر على الحاجات الضروريه فقط وكل يوم حط نوع واحد حلى العصير طبعي
10-06-1429 هـ, 02:40 مساءً
 
الله يبلغنا رمضان ونحن في اتم صحة وعافية..

صرنا نشيل هم الطبخ وننسى الاستشعار بفضل هذا الشهر الكريم...

حبيبتي عودي عايلتك على الفطور على صنفين ...مثلا سموسة ولقيمات..والشوربة اساسية طبعا..

وبكذا والله ماتصير زحمة مواعين ويقدر زوجك يصلي التراويح|..موب طول اليوم متخم ومغتث...

السمبوسة فرزني أنواع قبل رمضان والحلى لو كان ضروري عندكم كل يوم بيومه...والله ماياخذ وقت أبد...

والله يعينا وأياكم...
10-06-1429 هـ, 02:43 مساءً
 
حنا مو كل يوم سفرة بها انواع الاكلات لا حرام نسوي شوربة ومثلا نوع واحد من الحى


وطبق رئيسي ولقيمات او سنبوسة

وطبعا مافي صحوون نبدلها بلاستيك من له خلق يغسل حتى الاكواب بلاستيك
والملاعق هههههههههه
10-06-1429 هـ, 03:02 مساءً
 


الساعة الآن 06:57 .