فكرة جميلة زي صحبتها سلسبيل


وأنا بحاول يكون أكلي صحي بإتباع الأتي :

أستبدلت الارز المصري بالأرز البسمتي ( وبنقعه فترة علشان ينزل النشويات اللي فيه ) وبسويه بدون أي دهون وعجب الولاد عندي

أشتريت الشواية الصحية ( بالكهرباء ) وكل اللحوم بقيت اسويها فيها بدون أي دهون والطريقة إني ابهر اللحم أو الدجاج أو السمك بأي طريقة ( ملح ,فلفل, زنجبيل, زبادي ,خردل ,بودرة ثوم , كمون, ليمون , كركم , ,,,,,,,,, )
وبعدين أضعها في الشواية وساعات بعد نص سوى اللحوم أضع عليها خضار مقطع وممكن كمان بعد ماستوي الدجاج أضع عليه الأرز المسلوق واقلبه قليلا مع الصوص النازل من الدجاج و ممكن برضه مكرونة مسلوقة ( مش عارفة كلامي مفهوم ولا لأ )

ودي صورة الشواية تقريبا ,, بس اللي عندي غطاها زجاج




ومن زمان بقيت أسلخ الدجاج وأنا بنضفة وارمي الجلد والجنحات والرقبة

السلطة لازم يوميا وبكتر فيها البقدونس والشبت وبحط ملفوف أخضر وبنفسجي
وأستبدلت العيش الأبيض بالعيش الأسمر
وأستبدلت الزبادي كامل الدسم وبالمنزوع أو قليل الدسم
موضوع جميل جدا اكيد كلنا هنستفيد
انا واولادى بنحب المسقعة ودى طبعا بتتعمل بزيت كتير جدا فانا بحمر البازنجان ودة فى حد زاتة بياخد زيت كتير بطلعة وانشفة والزيت ايلى بيتبقى فية يكفى لباقى المسقعة يعنى بحط الطماطم والبصل وجميع مكونات المسقعة بدون زيت وفى الاخر هتلاقى برضة على الوش بعض الزيت الحمة المفرومة بتستوى مع بعض فى شوية ماء بدون اى زيوت اوسمن ويكفى ما فيها من دهون
الاكل كلة نى فى نى والله ما بيفرق فى الطعم بس بيكون خفيف حتى محشى الكرنب ودة هيخليكى تتحكمى فى كمية الدهون ايلى بتحطيها يكفى ملعقة واحدة
الفراخ بدل ما تتحمر تدخليها الفرن وبدل ما تحطىسمن اوزيت علشان شكلها يبقى حلو ضعى عصير لمون هيديها شكل جميل وتاخد اللون بسرعة
وفى الاخر الموضوع اكتر من رائع


السلام عليكم الموضوع ممتاز وبصراحه جاى فى وقته بعد ما كل الاكل بقى دسم والناس ذاد عندها الكوليسترول وظهرت الكروش ومعظم الاطفال والبنات فعلا ظهرت عليهم السمنة وبصراحه دة بيرجع بالاخص على الام الشاطرة وتعاملها فى المطبخ
بس ليا مداخله صغيرة ان مش معنى اكل صحى انى اطبخه من غير حتى معلقه زيت واحدة ,,,,لان المعلقه دى لما تتوزع على الاكله كلها حتبقى بسيطة جدا ومش حتأثر فى السمنة يعنى مثلا اللى حاضرنى دلوقتى

يا اما تضعى معلقه صغيرة او متوسطة زيت عباد الشمس او
تضعى البصلة المفرومة فى الحلة مع رشة ملح لحد ماتصفر بدون زيت او سمنة
تنزعى جلد الفراخ قبل التسوية
ممكن تضعى اللحمة المفرومة على حمام بخار لمدة دقايق حتلاقيها نزلت كل الدسم فى الماء وبعدين تستخدميها
او تعملى الكفتة مثلا داوود باشا وتحطيها على حمام مائى لحد ماتنزل كل الدهون وبعدين تكملى سويها فى طماطم طازجة مضروبة فى الخلاط
لعمل المسقعه تقطعى البزنجان شرايح وبعديتن ترصصيه فى صاج وترششيه خفيف بزيت وتدخليه الفرن لحد ما يتشوى او ياخد لون وبعدين يا تطبخية يا تعملية سلطة يا تحطية فى شوربة الخضار
تستخدمى كل ماهو خالى الدسم
تستخدى الطماطم الطازجة المعصورة بدل الصلصة
حاولى تدخلى الذبادى الخالى الدسم مع الثوم والخل والسماق مع اللحوم فى الورق الفويل او الصوانى الفيلية او الشوى ومع الفراخ حيديكى احلى طعم واحلى نتيجة
ممكن تبدلى الارز بالارز البسمتى وخصوصا الاصفر لانه فليل النشا هو بالنسبة لنا غالى شوية فى مصر
وممكن تستعملى الارز البنى لانة هايل فى التخسيس
معلش دى حاجات فى السريع المريع زى ما بيقولوا علشان كنت داخلة ابص بس بسرعه
وعلى فكرة انا كنت كاتبه قبل كدة بالصور طرق اكل بدون دهون
زى مكرونة فرن وملوخية ومحشى وكفته مش عارفه ان كنتم شوفتوهم قبل كدة ولا لآ واتمنى لكم ولاسرتكم جميعا الصحه والعافية





وشكرا لروزنى هى اللى نبهتنا للموضوع ادينى شجعتها اهو يا لاروزتى بس برضه بصرة





تسلمى يا دينا وعلى فكرة هى هتفرح قوى لان شكلها متابعة جيدة ليكى لانها حطتلنا فى الاول كام اكله انتى اللى كنتى كاتباهم
بس عايزة اقول الاكل لوحده مش كفاية عشان نخس او نبقى جسمنا بيأدى وظائفه الحيوية بكفاءة
لازم عامل مساعد ..الرياضة وابسط وارخص رياضة هى المشى
لازم تمشو يوميا
المشى نص ساعة بخطوة منتظمة (يعنى مش لازم الواحد يمد وينهج ويتعب بسرعة كل واحد على حسب خطوته المهم تكون خطوة منتظمة) يوميا بيضبط عملية الايض اللى هى الهضم وامتصاص الخلايا للغذاء اللى واصلها عن طريق الدم
التخلص من الكروش لانها من العوامل المساعدة لظهور مرض السكر للناس اللى عندهم استعداد حتى لو كان جسمه رفيع لان الدهون مش بس بتكون على الوش تحت طبقة الجلد مباشرة زى ما بنتوقع ولكن بتتراكم الدهون بين الاعضاء الداخلية للبطن كمان وبتعطلها انها تؤدى وظيفتها او تفرز انزيماتها بصورة صحيحة وغير كده الكمية اللى بتتفرز من الهرمونات والانزيمات بدل ما تتوزع على خلايا الجسم العادية بس لأ بيستقبلها الخلايا العادية والخلايا الدهنية يعنى مثلا بدل ما تروح ل50 مليون خلية كمثال يعنى بتروح ل70مليون خلية وبالتالى الخلايا مبتاخدش كفايتها وده بياثر على وظايفها
المشى كمان بيزبط مستوى الكوليسترول فى الدم للناس اللى عندهم الكوليسترول عالى بس مش بدرجة كبيرة لانه بيسيح الدهون اللى على جدران الخلايا وبالتالى بيكون سريان الدم فى الخلايا اسهل واقوى
المشى بيزبط ضغط الدم المرتفع وبيعمل على استرخاء المخ
يعنى ببساطة عشان نوصل لجسم صحى نزبط اكلنا ونحاول نمشى
كل واحد يدور على جنينه جنبه او اى مكان مفتوح يحاول يمشى فيه يوميا
المشى فى الشوارع ميعتبرش مشى الرياضة اللى بنتكلم عنه لان الواحد مبتكونش خطوته ثابته بسبب انه بيفادى واحد ماشى ولا عربية معديه او بيعدى شوارع فبيقف وغيره وغيره


الساعة الآن 09:53 .