Analysis Services
  • «
  • 1
  • 2
  • 3
  • >
  • »
أرجوووووكم أنا في حاجة ماسة لطريقة دونات سائلة تعمل في آلة الدونات نزلتها وحدة من الأخوات لكن ماحفظتها عندي ياليت اللي عندها الرابط تنزله بالموضوع .

الله لا يحرمكم الأجر ويسخر لكم من تحبووووون ياكريم .
10-06-1429 هـ, 07:07 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أختي .... ما شفت الموضوع اللي تبحثين عنه من قبل ...
بس عادة استخدم خلطات الكيك الجاهزة بأي نكهة... ويطلع رائع ....
او بعض الأحيان خلطات كيك اسويها .... يعني اي خلطة لكيكة مضبوطة و تعجبك ومتعودة عليها ....
وان شاء الله تلاقين طلبك ....
10-06-1429 هـ, 07:28 مساءً
 
انا راح اعطيكم طريقتي مرة سهله وسريعه
حطي بالخلاط الجيك 2 بيض نصف كاس حليب سايل او3ملاعق حليب بودرة +ربع ك زيت+ملعقتين زبدة+رشه ملح +نص كاس سكر
اخلطيهم بعدين صبيهم بزبديه كبيرة واضيفي كميه من الدقيق مضاف لها 2 ملعقه صغيرة بكنج باودر واخلطيهم يصير زي خليط الكيك تماما قد يحتاج تزيدين ماء يعني على حسب ماتشوفيه
المهم تكوني مسخنه الجهاز ولما يطفى النور صبي في الفتحات بواسطه ملعقه
واقفلي واتركيها لغايه مايطفى النور مرة ثانيه
بعد كذا زينيهم بالطريقه اللي تحبيها
وعليكم بالعافيه
وممكن تستبدلين الماء بعصير برتقال وتبشرين قشر برتقال وتبشرين كمان شوي جزر تطلع مرة رهيبه وريحتها تنشم من اخر البيت
10-06-1429 هـ, 07:40 مساءً
 


للرفع

10-06-1429 هـ, 07:53 مساءً
 
هذا اللي لقيته بعد البحث

طريقة الدونات بالآلة :1 كوب زيت - 4بيضات - 1 علبة قشطة - 1 كوب سكر - 2كوب طحين - ملعقة طعام بكينج باودر - فانيلا
تخلطين المواد السائلة بالخلاط الكهربائي بعدين تصبينهم على الطحين وتخلطينهم زين بعدين تشغلين الآلة وتخلينها تسخن شوي وتبدين تحطين من الخلطة مقدار ملعقة تقريبا أو أقل شوي (العجينة ثقيلة شوي) وتقفلين الآلة وتخلينها لحد ماتستوي بعدين تطلعينها وخليها تبرد وبعدين رشيها بسكر بودرة أو شراب الشوكولاتة أو حليب نستلة وقرفة على حسب ذوقك وبالهناء والعافية


ــــــــــــــــــــــــــــــــ

http://forum.hawaaworld.com/showthread.php?t=580049

ــــــــــــــــــــــــــ


ما اعرف ليش اغلبكم ما تضبط دونات المكينه بس يالله مو مشكله هذي طريقتين ان شاء الله سهلين وباذن الرحمن ناجحين

اولا دونات حلوه
كوب سكر بودر
1 ونص كوب طحين منخول مع 1 م ص بيكربونات صودا ومثلها بيكنج بودر
نص م ص ملح ومثلها فانيلا
2 بيض
نص كوب زيت ومثلها ماي ومثلها لبن
تعجن وتريح 5 دق
المكينه تاخذ 3 دقايق للصبه بعد دقيقنتين افتحي واقلبي بسرعه وراح تتحمش زين وخليها حتى لو انطفت اللمبه صبري دقيقه
المقدار يكفي 6 صبات وعوافي



الدونات المالحه
كوب طحين
1 م ك بصل مفروم ناعم
1 م ك كزبره خضره ناعمه
1 م ك شبنت مفروم
فص ثوم ناعم
نص م ص بيكنج ومثلها بيكربونات
نتفة كمون وفلفل اسود وملح وكركم
نص كوب ماي
3 ملاعق طعام زيت ومثلها لبن
بيضه
عجنيها وخليها 10 دق وصبي ونفس الشي قلبي بعد دقيقتين كل صبه

وعوافي



ــــــــــــــــــــــــــــــ


هاذي الطريقة انا مجربتها ومضمونه و اخذتها لما اشتريت الجهاز نفسه

يشغل الجهاز قبل الاستعمال لمدة خمس دقائق

المعيار كاس كبير

2 كاس طحين
3 ملاعق حليب بودرة
3 حبات بيض
نصف كاس زيت
1 كاس سكر
1 كاس ماء

**توضع المقادير في الخلاط حتى تصبح شبة سائلة
** ثم يضاف 1 ملعقة باكنج باودر وقليل من الفانيلا ويعاد تشغيل الخلاط
** يترك يتخمر ساعتان


ــــــــــــــــــــــــ

http://forum.hawaaworld.com/showthread.php?t=1254924


ــــــــــــــــــــــ

http://forum.hawaaworld.com/showthread.php?t=1285339
10-06-1429 هـ, 07:54 مساءً
 


الساعة الآن 01:03 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏