عزيزتي ريحة مطر آسفة اني وصلت متأخرة لكن ما يمنع اني افيد اختي و***** الله تستفيدين من طريقتي آنه مثلك ما احب ريحة اللحم وما آكله إلا نادرا ً ولما يطبخونه بيتنا وتطلع فيه ريحة ما احب آكله لحد ما كبرت وقمت اجرب بنفسي لحد ما وصلت لطريقة اطبخ بيها اللحم من غير ما تكون له ريحة ولا طعم كريه

اهم شي مثل ما قالوا الأخوات ان يكون اللحم طازج ويكون خالي من الشحم لأنه الشحم يطلع له ريحة كريهة ثاني شي حطيه في قدر مع ماء وفلفل اسود وقرنفل ( مسمار ) ودارسين وهيل بس ما يكونون مطحونين لا يكونوا كاملين حبة بحبة ولما يغلي راح يطلع الزبد في النص شيليه لأن الزبد يطلع له ريحة كريهة وبعدين لما يغلي شوي ارفعيه عن النار واشخلي اللحم كبي الماء وضيفي له ماء حار واغليه مرة ثانية لحد ما ينضج واطبخيه اي طبخة تحبينها بدون ما يكون له طعم ولا ريحة كريهة بس اهم شي لازم تعرفين ان اللي يطلع الريحة في الأكل انك تطبخين الرز مثلا في ماء اللحم هذا يخلي ريحة اللحم تظل عالقة باللحم وتظل عالقة بالرز

جربي هذي الطريقة و***** الله تنفعك وممكن تضيفين وقت الغلي ليمون اسود مجفف بس ما يكون مطحون آنه دايما استخدم البهارات من غير ما اطحنها في حالة اذا حبيت اغلي الدجاج او اللحم او الربيان بس لما اطبخ اختار البهارات اللي تعجبني وآنه عادة ً أحط في الأكل كمون وسنوت وماجي وفلفل اسود مطحون يطلع الأكل لذيييييييييذ

يلا حبيبتي جربيه وردي علي و***** الله تكونين استفدتي مني

وبالتوفيق يارب لجميع الأخوات بالمنتدى

تحياتي
12-10-1424 هـ, 01:47 مساءً
 


الساعة الآن 03:29 .