مرحبا صباااااااااايا شخباركم ؟؟ بنات تكفوون ساعدوني تعقدت ماني قادره ازبط الرز الابيض مدري ليه دايم يعجن معي ويطلع ياناقص الملح فابغى وحده تقولي عليه بالخطوات والكميه المناسبه من الماء
انتظر ردودكم لاني ناويه ازبط الغداء بعد شوي

اللهم حصن فرجي ويسر أمري واكفني بحلالك عن حرامك وبفضلك عمن سواك
حبيبتي شوفي اذا حطيتي كوب رز حطي بنفس الكوب مويه وربع ملعقه ملح او لو تبغي تستغني عن الملح ممكن تحطي واحد بس مكعب ماجي اللي خاص بالرز الأبيض وممكن لو حابه تحطي حبه فيلفه خضراء أو وصله صغيره من الفلفل الرومي وممكن كمان اذا حابه تقطعي بصل صغير مره وتكشنيه بشويييييييييييي يييييه زيت وبعدين تحطي الرز وتحطي المويه والافضل تكون المويه مغليه
واذا تحبي يكون ساده وابيييييض لا تحطي معاه اي اضافات الا الملح بس واذا حابه تضاعفي الكميه تزودي المقادير بنفس المكيال
وضروري في البدايه لمدة خمس دقايق بس ارفعي النار وبعد كذا حطي النار على أوطا شي يعني على أخف شي
شوفي حبيبتي
إذا تبغي تسوي الرز الابيض
اول شي لكل كاس رز ملعقه متوسطه ملح
تغسلي الرز وتنقعيه بالماء لمدة ساعه
تحطي عليه ماء يغطيه مع ملح وتتركيه على نار عاليه لمدة 10 دقايق بالضبط
بعدين تصفيه من الماء
تحطي بقاع الجدر شوية زيت
وتحطي الرز المصفى من الماء
وترشي الوجه بشوية زيت
وتتركيه على ناار هاديه لمدة ربع ساعه


هذا اللي انا اسويه ويطلع لي مضبوط وحبته رووووعه
وتقدميه

وشوفي شكل الرز حقي

بالنسبه لي انا ما اكبس الرز
حطي ماي في القدر تقريبن ثلاث كاسات وحطي معها ملعقه كبيره زيت ونص ملعقه كبيره ملح وخليها تغلي
طبعا تكونين نقعتي الرز من قبل تقريبن ربع ساعه
تضيفينه للماء المغلي وتخلينه ربع ساعه بعدها تشوفين بالملعقه اذا استوى او لا
اذا استوى اشخليه في مشخال
لما تنزل المويه رجعيه القدر وحركيه على النار عشان تنشف المويه حقته او ممكن تحطينه من المشخال على طول في صحن التقديم
هذي الطريقه سريعه يعني تخلصين الرز في ثلث ساعه ويطلع مفلفل ومافيه دهن
ويمكن نوع الرز اللي تستخدمينه مب زين
انا عن نفسي استخدم الوليمه وهذا احسن نوع لو تخبصين فيه يطلع زين
تحياتي لك


بالنسبة لطريقة عمل الرز اللي اسويه ..

اغلي ماء
اغسلي الرز زين مازين وصبي عليه الماء المغلي وحطي عليه ملح وحركي الرز مع الملح

جربي ذوقي الماء إذا شفتيه مالح شووووووي يعني ملحه عدل >> طريقة التذويقة هذي اعتمدت من هنا في المنتدى وحده دلتني عليها الله جازيها خير ..

وخليه يغلي ويغلي وطبعاً الليونة راح تعتمد على نوعية الرز اللي عندك ..
بعد عشر دقايق مثلاً جربي الرز كليه إذا شفتيه خشن خليه شوي كمان على النار و إذا شفتيه لين بس فيه خشوووونة شووووووووووووي .. يعني ضبط عندك
شيليه عن النار وصفيه عن الماء .. ثم رجعيه في القدر نفسه وحطيه على نار هادئة ..
بالنسبة لي فرني كهربائي اطفي النار واخلي القدر على نفس الراس اللي استخدمته قبل شوي بس اطفي النار واخليه على الحرارة بس تقريباً 3 - 5 دقايق فقط وارفعه عن الحرارة .. ساعات اخليه يبخر شوي وساااعاات لا ..

احسه يضبط معي بهالطريقة ..
استغفر الله الذي لا إله إلا هو وحده لا شريك له وأتوب إليه
استغفر الله ذا الجلال والإكرام من جميع الذنوب والآثام



الساعة الآن 09:55 .