بنات أنا اليوم خاطري اسوي على العشاء ..
عيش أبيض و دجاج مقلي و صــــــــــــــــــــــــالونة باميا..

وهاي الأخيرة معذبتني لأني ما أعرف كيف اسويها وحاولت كم مرة أسويها بس تطلع مالها طعم ..
أنا ابى مثل اللي في المطاعم..

تكفون اللي تعرف الوصفة تنقذني..
ولكم جزيل الشكر..
08-09-1424 هـ, 02:51 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مرحبا أختي .. طريقتي في مرق البامية
بدون لحم :
بصل وثوم ( وإذا حبيتي زنجبيل ) مفروم و على النار في قليل من الزيت ويقلب ثم يبهر فلفل سود وكمون ناعم وماجي ثم الطماطم المقطع ويقلب حتى يذبل ثم صلصة الطماطم ويقلب ثم البامية ( اكون محمرتها خفيف في زيت قليل علشان تروح منها اللزوجة) وأقلبها وأصب عليها ماء مغلي واتركها لحد ماتنضج ويصير المرق خاثر
وإذا باللحم أحط اللحم أ ول شئ بالقدر لحد ما يطلع الموية بعدين أكمل الطريقة بس البامية أحطها بعد ما يطبخ اللحم يعني حوالي 40 دقيقة

وإن شاء الله تعجبك
08-09-1424 هـ, 09:09 مساءً
 
انا اسويها على الطريقه العراقيه والله ما في الذ منها وقمت ما استغني عنها

اول شي تجيبين لحم ويكون مفور وجاهز يعني تفورينه بالماي والبصل والثوم والبهار علشان يروح الزنخ منه

ولا ترمي مية اللحم ...

بعدين تكونين فارمه رأس ثوم كبير والنكهه كلها في الثوم اخم شي

وبعدين هاتي اللحم قليه شوي مع السمن ومن بعدها تحطين البهار والطماطم والصلصه انا احط طاطم وحد واكثر شوي من الصلصة
من شفتيه المرق تخثر صبي عليه الماي وحطي عدد 4 ليمان عصير او ذرة ملح الليمون .. ولما يفور المرق حطي البامية وخليها شوي وبعدين في الاخير حطي الثوم مع الملح وبالعافيه


اخ يا ربي شهيتيني اروح اسويها



ملاحظه لا تحطي البصل مع المرقه ما بيكون فيه حلاوه مثل الثوم بروحه انصحج لا تحطين بصل
وهذي طريقه عراقيه
25-10-1424 هـ, 01:09 مساءً
 
أنا بعد احب هالنوع من الصالونه....اختي كلبوزه عجبتي طريقتج....بس كيف يكون اللحم مقطع....ممكن تشريحن طريقتج بالمقادير واكون شاكره لكي...:24:
25-10-1424 هـ, 02:04 مساءً
 
اموت في الباميا ممكن اشارك معاكم

بعطيك الطريقه علي طول لان المقادير انتي تتحكمين فيها

احمسي الباميا اول بالزيت علشان يحافظ علي تماسكه ولونه

وشليه وحطي البصل واحمسيه لين يحمر وحطي عليه الطماط والكزبره الطازجه

والماجي والفلفل الاسود والملح والكمون والثوم والصلصل لين يختلط مع بعض

وحطي الباميا واحمسي الصالونه لمدة 5 دقائق

وحطي كوب ماء حار وخففي النار وخليه 30 دقيقه واذا نقص الماء زيديه

وبالعافيه........
25-10-1424 هـ, 06:04 مساءً
 


الساعة الآن 01:23 .