****لله وهذي الطريقة وترى الها مسميات كثيرة منها الكنافة بالمكسرات ومنها مبرومة ..

الكنافة بالمكسرات ( المبرومة )

المقادير:

باكيت شعيرية أحمد أو أي نوع
علبة حليب نستلة المكثف المحلى 397 غم
4 ملاعق كبيرة زبدة
نص كوب مكسرات على حسب الرغبة ومفرومة خشن

الطريقة:

1 تكسر الشعيرية الى قطع صغيرة ثم تقلب بالزبدة على نار هادئة لمدة تقريبا 10 – 15 دقيقة حتى يصبح لونها زهري
2 تضاف المكسرات وتقلب جيدا مع الشعيرية لمدة دقيقتين
3 نضيف الحليب المركز ونقلبه جيدا مع الشعيرية والمكسرات
4 نرفع الخليط ونشكله حسب الرغبة.. ممكن ناخذ القليل منه ونضعهم في أكواب الكيك الحجم الصغير أو نتركة يبرد وباستخدام الملعقة الغزيرة اللي تكون من حليب الاطفال نشكل منها قطع صغيرة ( أرجو انه الفكرة وضحت ) أو نعمل كرات أو يمكن أن يصب في صينية ويقطع باستخدام سكين حاد بأشكال مختلفة ويترك حتى يبرد وتقدم الكنافة بالمكسرات مع القهوة وممن وهو الأحلى أنج تحطينهم بقوالب الثلج بس قبل لاتحطينهم رشي شوي من الفستق المطحون وبعدين الخلطة واضغطي عليها واقلبيها ودقي عليها بتنزل وشكلها بيكون مرتب وحطيهم بأوراق البيليسيه الصغار.. جربيها ومتأكدة بتعيبج وأي سؤال أنا حاضرة
09-09-1424 هـ, 09:56 صباحاً
 
مشكوووووووووووووورة أختي المسافره

ان شاء الله باجر بسويها و برد عليج

جزاج الله خيـــــــر
10-09-1424 هـ, 01:01 صباحاً
 
المسافرة ماشاءالله عليك ... تساعدين الكل . الله يكتبه في ميزان حسناتك *****الله

عزيزتي إنت تقصدين شعرية باكستانية ؟؟
10-09-1424 هـ, 09:07 صباحاً
 
ايوه يارقيقة عليج نووووور الشعيرية الباكستانية فيه نوع منها أسمه أحمد.. لاكن اذا مش موجودة مب شرط استعملي أي وحدة غيرها.. وبالنسبة للمساعدة والله أني أول ما أدش النت أدخل هنيه بس أشوف الأسئلة واذا أعرف أجاوب .. لأني مرات أطلب طلبات من الخوات والحمدلله مايقصرن بخبراتهم.. وهذي كل السالفة المهم نفيد ونستفيد وكلنا خوات.. وترى أستفدت وايد من أسئلتهم لأنها مرات ماتكون على بالي بس لما أشوفها أتذكر..
10-09-1424 هـ, 09:53 مساءً
 
جربتها و طلعت اوكى 100% و الطعم اللي كنت أتمنـــــــــاه

مشكوره المسافره مره ثانيه و الله يعطيج العااااااافيه
11-09-1424 هـ, 12:05 صباحاً
 


الساعة الآن 04:36 .