حياااكم خواااتي

المكتوب واضح من عنوانه امووت في الطبخ ومن ادخل المطبخ جيرانى كلهم يسمعون قربعتي انا وصحونى وقدوري

وملاعقي وهاتى يا توحه وودى ياتوحه غسلي القدر ياتوحه وولعى النار ياتوحه وتوحه عاد مبسوطه مدام اليوم سوى

اكل زييين واصقع وارقع في المطبخ هذا غير الخساااير الماليه والطلبات اللي يجيبها ابو الشباب في ظل ظروف الغلا

اللي احنا عايشينه والصغار مبسوطين ماما وش بتسوين اقول اصبروا وتشوفون والثانيه تقول ماما ريحتها حلوه

واختها بعد ماما بسرعه جيعانه هذااااااااااا كله عادى المصيبه ابو الشباب رايح جاي وهو مبسووط ويساعدني





وبعد الحوسه والشيل والحط تطلع الطبخه وهى الحمد لله على النعمه

اكون وقتها عامله حسابي على الرف فيه كيس لحمه وجنبها قدر الضغط والمويه الحاره وبقدرة قادر اسوى السليق

واقدمه لهم مع طبختى اللي انحرج اقدمها واعتذر لابو الشباب انى نسيت مثلا الملح او اي عذر

والله يا اخوااتى اكلمكم جد انا والطبخات اللي اشوفها بالنت وبالمنتدى مو ولايف قد ما احاول ازبطها ماتطلع

مثل مابي هذا الطبخ

تعالوا للحلى وربي امس طلبت من زوجي يجيب طلبات للبسبوسه وصلت ل92 ريال من علبة حليب كبيره

وسمن وسميد وقشطه ونارجيل وووووو المهم عملتها والمصيبه انها بالصور في المنتدى واتوقعتها

بتضبط وربي ماضبطت وخربت حطيت تمر ومشي حالك

لو اصور لكم سطح مكتب بسم الله ماشاء الله كلها مجلدات مجلد محاشي ومجلد حلى ومجلد رز ومجلد ايدامات

احب احفظهم واحاول اطبقهم ما اقدر

بصرااااااااااااااحه اكلنا يوميا رز سليق او بخااااري هذا اللي تعلمته من الوالده حفظها الله وبس

المصيبه مو فيه المصيبه في بناااتى شلون اعلمهم وانا ما اعرف بكره بيكبروا وبيتبهذلوا مثلي وبيتفشلوا

حتى رمضان والله يابنات شوربه مرقه ولحمه واذا سويت باميه وملوخيه خير وبركه




وش الحل مين مثلي شلون اضبط الاكل صعب اتعلم وانا في هالعمر اللي ما اتعلم من صغره صعب يتعلم

اذا كبر الشغله يبيلها ممارسه وتعلم وانا احس انى ما انفع بالطبخ ابدددددد

شرااايكم اليوم فضفضت لكم من مافينى من قهر وحسره نفسي اطبخ اشكال والوان وابدع

المصيبه الاقي عضوه ما شاء الله تبارك الله تسوى اكله وتقول المقادير بالبركه انا لانى متعوده خلاص بالنظر اعرف

المقداار ..........؟؟؟؟ وانا اضبط واقيس وامشي بالتفصيل وتخرب ....؟؟؟؟



شرااايكم بالله فينى من وين ابدء وكيف اتعلم واتقن وابدع... انا ماهمنى زوجى قد ماهمونى بناتى مسكينات

مايعرفون الا لرز واللحمه او الدجاج والسلااااااااااااام
يارب ارزقني بمحمد

رحم الله ابن باز
على قوله امي مافي احد يولد متعلم


حاولي مره مرتين ثلاث وان شاء الله بتقدرين

خلي عندك ثقه في نفسك

لاتقولين انا ماعرف ولا ماقدر

ولاتعتقدين انك بتظبطين الاكله من اول مره وانها بتطلع رهييييييبه

لا حاولي والله بيساعدك ان شاء الله حاولي انك تظبطين المقادير وسمي بالله قبل ماتبدين


وموو لازم تكوني مررررررررررره طباخه اهم شي يكون مقبل واذا وصلتي للمقبول وصلتي للمهاره في الطبخ



وه تعبت من الخرط بااااااي
هههههههههههههههههههه


الله يعينك انا كنت زيك

ماادبر شي بالمطبخ

وحتى اذا مسكت شي

بالمطبخ امي تقول ياكثر ازعاجك خخخخخخخخخخخخخخخ

بس وش اسوي كله عشان اتفنن لهم

مير المحدلله ظبط معي الاكل كله خصوصا الرز

واذا على قياس الملح مافيه شي يجي بالبركه انا اقيس الرز بزبديه

والملح يكون على حسب الزبديه اذا زبديه احط ملعقه وشوي واذا ثنتين ملعقتين وشوي



يالله الله يعينك وتصيرين سنعه بكل شي

هههههههههههههههههههههههههههههههههههه

الله يعينك موووووووووتيني ضحك <<<<ذكرتيني بحاااااااالتي قبل
خليكي متفايله قلبي
اشتري كاتب راح يفيدك بالمقادير
وخلي البنات بعد يطبقون حبه حبه مثل حلاء او شيء بسيط
موفقه قلبي


الساعة الآن 01:44 .