السلام عليكم ........ ارجو منكم اخواتي المساعده........... مافيه عجينه قريت عنها في المنتدى الا وسويتها ومع كذا تفشل ..... سويت بيتزا وطلعت الطبقه الى تحت الحشوه عجينه ماستوت ........ وسويت فطاير وهي مضمونه ومجربينها الاخوات وطلعت عجينه والمشكله ان الطحين قالب لووووووووونه صاير بني ولله شكيت انه بر معبأ بكيس مكتوب عليه طحين ابيض ... المهم تعقدت نفسيا من الطبخ مع اني شاطره في الحلى ( وشكلي ماراح اغير التخصص ) وللعلم جربت الطحين السعودي ونوع تعبئه الدمام واسمه الطحين القحطاني هذا بالذات لقيت فيه قشور كانها نخاله وبعد العجن صار بني ..... وبالنسبه لحفظي الطحين احطه في الثلاجه او في الفريز ...... ماأدري يخرب كذا والا لا ؟! ولا طريقتي هي الغلط ارجوكمممممممم ساعدوني الله يوفقكم دنيا واخره
09-09-1424 هـ, 03:06 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حب مستحيل
طيب يا عيوني ليش ما تجربي الطحين الكويتي لونه ابيض والفطاير تطلع هشة و روووووووووووعة .

قرقورة ..
09-09-1424 هـ, 03:18 صباحاً
 
انا كنت مثلك ما اضبط العجين ..
لكن الحين صرت مرررررررررة ممتازة فيها .. اذا جربت اي وصفة تضبط عندي ..

خليني اقول لك بعض الاخطاء اللي كنت اقع فيها ,.. يمكن تساعدك ...

أول شي بالنسبة للبيتزا ليش تطلع الطبقة العلوية من العجين لينة ..
لسببين :
1- اما انك تحطين فوقها الصلصة أو الحشوة وهي ساخنة ... وهذا يخلي العجين كأنه رطب .. بردي الصلصة تماااااام قبل لا تحطينها
2- تحطين صلصة خفيفة القوام .. المفروض انك تخلي الصلصة على النار لين تثخن جيدا ..



بالنسبة للون العجين .. اكيد السبب من الطحين .. غيريه و استخدمي الطحين الكويتي


بالنسبة للفرن ,,, انا تعلمت كيف اضبط الدرجة مثل ما علمتني ام صديقتي .. خبيرة العجائن ...

شوفي ... أول شي سخني الفرن لمدة 10 دقايق تقريبا ... على درجة متوسطة .. يعني اختاري الدرجة اللي في النص بالضبط ..

بعدين دخلي العجينة ... و خليها على نفس الدرجة 5 دقائق اذا تحبين العجينة بيضاء من القاعدة .. و 7 دقائق اذا تحبينها شوي محمرة ... و بعدين خففي الحرارة الى اقل درجة ممكنة لمدة 10-15 دقيقة ... طبعا يعتمد على سمك عجينتك اذا خفيفة 10 د تكفي .. و اذا سميكة 15 دقيقة ...
و في هذه الاثناء ما تفتحين الفرن ابدا .. الا بعد مرور الوقت و شفي القاعدة اذا مستوية ولا تحبين تخلينها دقائق اضافية ....

ارجو اني اكون افدتك بمعلوماتي
09-09-1424 هـ, 10:27 صباحاً
 
حبيبتي يمكن المشكله عندج بالخميره!!!!
لا تخلطينها مع ماي حار لان مفعولها يروح وما تنتفخ العجينه!!
09-09-1424 هـ, 10:45 صباحاً
 
انااا شاطرة بالمعجنات ونص ونص بالحلويات اعلمك المعجنات وانتي تعلميني الحلووووو ههههههههههه

بس يمكن انتوا الاثنين السبب

الطحين لو كان اسمر بتفشل الفطاائر وبيتغير طعمهاااا اكييييد ...

واذا انتي ماراعيت المقادير بدقه برضوااا بتخرب عندك الفطاائر

لازم تخلين العجينه تختمر على الاقل ساعتين ... والخميرة يفضل انك تخلينها تتضاعف قبل ماتضيفينهاا للطحين ..
تاخذين الخميرة وتضيفن لها ملعقتين سكر وتحطي عليها ربع كوب ماءء دافيء مو حار لمده عشر دقايق وبعدين تضيفنها للطحين ...
والعجينه لازم تلفينهاا بالنايلون وتحطينها بكيس وتربطينه زين عشان مايدخل فيه هوااء وتحطينه بمكان دافيء .. سخني الفرن وبعدين حطي العجينه فيه عشان تختمر اسرع ....

خذي مني هالوصفه وطبقي النصايح الي قلت لك عليها فوق ووالله ماراح تستخدمين غيرهاااااااا ...وراح تضبط معك
انشاء الله ومن اول مرة وان كانت الكميه كثيرة عليك تقدرين تناصفين المقدار او تسوين جزء وتحتفظين بالجزء الثاني بالثلاجه لمدة يومين ومابيخرب معك ...

المقادير :
كيس طحين الكويت ( يعادل 6 اكواب او كيلو طحين ) او اي طحين ابيض لو شكيتي انه فيه شويه نخاله انخليه وامرك لله دام ذا الموجوود بس حرصي انه طحين ابيض مو اسمر - 2 ملعقه طعام خميرة فوريه - نص كوب زيت - بيضتين - كوب حليب بودرة - كوب سكر - ماء للعجن ( تقريبا من كوب ونص الى كوبين )

لما تعجنين لازم تكون العجينه شوي لينه مثل شحمه الاذن واستمري بالعجن لين مايلصق شي بيدك او بالاناءءء وبعدين غطيهااا مثل ماعلمتك فوووووق


والله يوفقك
09-09-1424 هـ, 12:16 مساءً
 


الساعة الآن 03:56 .