ماعاد اقدر من ضيقه الصدر

فيني ضيقه صدر يابنات مدري وشلون اتخلص منها استغفرت وصليت وقريت البقره..............
مشكلتي يابنات
كل البنات اللي في عائلتي وكبري عندهم عيال واللي اصغر متزوجات واللي بالثنوي مخطوبات وزواجهم بالصيف هذا والله يابنات بدون مبالغه كل بنات العائله
المشكله مو هنا المشكله انا انخطب ويمشي امري ويشوفني الرجال الشوفه الشرعيه وما يرد :44: ما اقدر اوصفلكم وش حالتي ؟

حتي الحريم تدرون انهم في اليوم اللي يشفوني فيه يبان عليهم اني عاجبتهم والله عاجبتهم حتى في نفس اليوم يقولون انو باقي عاد هو يشوفها الشوفه الشرعيه ولا عاد يدقوووون ؟؟؟؟؟؟؟
انا بدون مبالغه اكثر من عاديه والله مو انا اللي اقوله كل الناس واللي زاد الطين بله عندي خاله عمرها 20 تزوجت وياليتها ماتزوجت ياليتها ماتزوجت ياليتها ماتزوجت اقلبت حياتي الله يهديها فيهاغرووور وقله ادب وإذا مشت كانها تقول ياارض اهتدي محد قدي هي قمر وهي كل شي ......... اصغر مني بسبع سنين وخلاص صايره وش اقول عند خالاتي هي الاميره ومستقويه علي حسبي الله ونعم الوكيل وإذا قلت شي انا عند خالاتي اغار منها ومنقهره منها ويخافون لا انضلها بعد لا والحين حامل وانا العانس المسكينه :44:يرحموني احس مع ضيقه الصدر اللي فيني ماعاد اقدر خلاص وما ادري وش اسوي