Analysis Services
ايدام الخضروات المشكلة ممكن تضيفين له عدس عشان يستطعم و يصير ثخين ..

و قبل ما تسكرين عنه النار بعشر دقايق افرثي حبة ماجي و حطيها عليه ..
15-06-1429 هـ, 04:32 صباحاً
 
انا عقدتي في الرز البرياني من سابع المستحيلات إنو يطلع معاية رغم إني شفت طرق كثير هنا في المنتدى وأطبق المقادير بالملي والسانتي متر كمان مايزبط
15-06-1429 هـ, 04:36 صباحاً
 
اختي الغاليه الف شمر لك على هذا الموضوع الجميل

انا مشكلتي في قياس ماء الرز اليوم سويت غداء اهلي مضغوط لحم وبصراحه طلع طعمه جناااااااااااان بس المشكله لما خلص طبخ الحم وحطيت الرز عليه اضفت كاس ماء فقط وطلع الرز حب اضطريت ارجع اضيف عليه كاس ونص ماء ايضا وهذا الي مضايقني

كيف استطيع قياس الماء للرز .

وعندي طلب اختي ارجوا ان تكون دوره منظمه للاطباق الرئيسه يعني ليست سؤال وجواب افضل ونحن نطبق ونزلك الصور .
15-06-1429 هـ, 05:31 صباحاً
 
اختي دلع المشاعر تبين تجربين طريقتي هذا بس بشرط ما تتركين شي فيها وبعدها اللي بياكلها يحسبه راح للهند .ههههههههه
شوفي اولا نقعي(2الى3)كاسات رز انا استخدم ابو كاس وخوذي لحم خروف واطبخيه زين مع بهارات عدله(هيل- قرفة-مسمار)مع ملح مع شوي كركم اللين اللحم يستوي تماما ويصير لين بعد. بعدين صبي موية اللحم على الرز اللين يتغطى الرز شوي انتبهي لا تكثرين المويه اذا شفتي بعدين انه يحتاج ممكن تزيدين ..... ثم نضع على النار زيت+بصل مقطع صغير+ثوم مقطع او مهروس+زنجبيل رطب مهروس ونكشنه ثم نضع عليه ملعقة مخلل منجا تلاقينه في السوبر ماركت مع المخلالات لاتكثرين منه تراه مالح وحار+علبة زبادي +بهارات برياني تلاقينه مع البهارات في اكياس ونحرك شوي على النار حتى تتمازج ثم نسكر النار ونضع عليه اللحم ثم الرز بعد ما يستوي ويوضع على نار هادئة حتى يتسبك ثم نصب على حافة الرز ماء ورد منقوع معه شوي زعفران من قبل ويترك شوي على نار هادئه ثم عند التقديم يحرك الرز حتى تتداخل الالوان ويوضع اللحم في الاعلى ويزين بالبصل الشرايح المحموس بالزيت اللين ينشف مع الصنوبر المحموس ايضا وبالهنا والعافيه وادعيلي .. وخبريني عن النتيجه
15-06-1429 هـ, 08:45 صباحاً
 
اقتباس مشاركة  (فريندز)
انا بهاراتي
قرفه هيل و(زر) مسمار كلها عدله
ماجي وكزبره ناشفه وفلفل اسود مطحون
فلفل رومي
البهارات ليمون اسود كمون قرفه فلفل اسود فلفل احمر والافضل مايكون حار مره مطحونه ولاتكثرين الليمون الاسود ولازم تطلعين بذوره عشان مايخرب الطعم والكمون والقرفه خليها تغلب على الباقي وشوي هيل لو حبيتي وبالنسبه للقرنفل تراه يسود هذي البهارات اللي تضيفيها للكشنه اللي فوق الرز ولو حبيتي تضعيها مع اللحم او الدجاج او تضععي عدله عادي والرز لما تضعي عليه المرقه زي ما ذكرت في الطريقه فلفل هيل قرنفل لو حبيتي ليمون اسود وهذي هي البهارات الاساسيه يعني الكل يتقبل طعمها اما الكزبره والحلبه والخولنجان وغيرها تغير الطعم
15-06-1429 هـ, 11:48 صباحاً
 


الساعة الآن 10:46 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏