سلام عليكم بنات
شخباركم
انا تعبني البلاليط اسلقه في الماء بعد ما احمره 6 أو 7 دقايق
واصفيه من الماء
وبعدين ارجع احطه على نار هاديه واخلط معاه السكر والهيل والزعفران واتركه عشر دقايق واطفئ عنه
ويطلع رطب حبتة فيها ماي مب ناشفه مثل اللي يسوونه الناس ليش ما ادري ؟
يعني وانا اكله احسه يزلق من يدي ورطب ؟
يعني انا في العشر دقايق هاذي اغطيه والا اتركه مكشوف
انا دايما اخليه مكشوف عشان ينشف الماء ومافيه فايده
الاحظ من احط السكر تزيد رطوبة البلاليط
ما اعرف شاسوي احب البلاليط وخاطري اتعلمه واظبطه
اي نوع افضل انا استخدم سيبا ابو بطه؟
انتظر حد يعبرني
وانتظر ردودكم ياحلوات
15-06-1429 هـ, 10:37 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الشعيرية = البلاليط

في لها طريقتين الطريقة الاولى اللي بدون تحميص .. تسلقينها في دقايق بسيطه وبعد ما تشخلينها وهي بالمشخال حطي نص كمية السكر وعلى النار انتي مجهزة الدهنه .. وحطي الشعيرية وحركيها مع الهيل والزعفران .. وخليها ع النار شوي ..

الطريقة الثانية ..
كانت برضو تلزق معاي وتصير دبقه ..

لا تنسين الدهنه .. لاني اسوي مثلج بس ازيدها دهنه وماتزلق ابد وتصير مفلفلة وطعمها حلو

وبالمقادير اللي كاتبتهم ماكو دهنه .. غريبة ..
لا تغطين الجدر .. وكل بين دقيقة حركيه عشان ينشف زيادة

انا هذي طريقتي

وان شالله اكون افدتج

15-06-1429 هـ, 12:54 مساءً
 
اهلين عزيزتي انااسوي البلاليط اسخن ماي واحط فيه السكر وهيل مطحون واخليه يغلي شوي وبعدين احمر البلاليط في شوي زيت واحط علي الماي وما يكون كثير واقلب البلاليط واقصر على النار واحط تحته الحديده وكل شوي اقلبه لين يستوي وينشف الماي واسوي له البيض مع الهيل والكركم والفلفل الاسود جربي طريقتي ان شاء الله يضبط معاج.....
15-06-1429 هـ, 03:58 مساءً
 
للرفع
15-06-1429 هـ, 06:26 مساءً
 
شكرا خواتي الله يعطيكم العافيه
ماقصرتوا باجرب طرقكم وان شاء الله ماعاد يلزق معاي
16-06-1429 هـ, 01:55 صباحاً
 


الساعة الآن 12:13 .