تكفين

انت نزلتي طرقه الكبسه السعوديه

وانا للاسف ما اضبطها


ممكن تكتبينها بالتفصيل الملل لاني ما قدرت استوعبها:con fused-

مرحبا حبيبتي( أختي وانا ) معليش علي المقاطعه والتدخل بس حبت اعلمك طريقه الكبسه السعوديه
بسم الله نبدا :
اولا: انقعي الرز اذا كان { رز ابو كاس كل كاس رز يحتاج كاسين ماء ويحتاج ينقع قبل الاستعمال .
رز الشعلان كل كاس رز يحتاج كاس ونص ماء و ما يحتاج للنقع }
ثانيا: اذا كان { دجاج تقطع انصاف او ارباع حسب الرغبه وتحتاج الدجاجه حجم 1100 جم تقريبا لمدة نص ساعه
اما اللحم علي حسب نوع اللحم بس لحم الغنم يحتاج ساعه الاربع اوساعه تقريبا }
ثالثا :
{ قطعي بصل صغير +ورق غار+ مسمار (قرنفل) + 3حبات هيل +عودين دارسين + شوي من حبوب الفلفل الاسود حسب الرغبه تعني مو لازم اذا كان مو عندك + اذا كنتي تحبين الكبسه حمراء قطعي 1طماطم مفروم مع 1ملعقة معجون الطماطم +شوي سمنه او زيت اذ كنتي تحبينها دسمه زيدي الزيت } ثم توضع في القدر علي النار وتحركينها شوي لين تطلع ريحه البصل مو تحمرينه ثم تضعين اللحم او الدجاج وتقلبينه ياخذ لون بعدين يوضع الماء الفاتر وليس الحار ثم يوضع الملح الخشن (انا اسوي مقدار كاسين احط ملعقه كبيرة ملح خشن)طبعا حسب الرغبه بعدين تخلينه علي نار عاليه لين يغلي بعدين توطين علي النار وتخلينه لين يستوي .
رابعا :
طلعي اللحم او الدجاج وغطيه اذا كان دجاج طبعا يتحمر في الفرن اما اللحم ما تحمرينه في الفرن عشان ما ييبس بعدين كبي الرز في القدر في نفس مويه اللحم او الدجاج +3ملاعق كبيرة ماء كادي (زي ماء الورد ينباع ) انا احطه مع الدجاج اكثر واذا كنتي تحبي الفلفل الاحمر حطي وخلي الرز علي نار عاليه لين يرتفع الرز ( يعني يشرب مويته و يبقي فيها شوي ) بعدين رجعي اللحم فوق الرز بعدين قصري علي النار خليه علي نار هاديه وبنت حلال ههههههههههه
لين يستوي او تنشف مويته يعني ربع ساعه تقريبا او نصف لا تكون النار عاليه اهم شي
خامسا :
ضعي الرز في صحن التقديم وعليه اللحم او الدجاج ويزين بالبصل المحمر والصنوبر
صدقيني اذا سويتيها صح بتبسطك النتيجه راح

وبالف الف عافيه بس لا تنسيني من الدعاء و قوليلي اذا سويتيها وانا مستعده لاي سؤال من عيوني
للرفع
ربي اني مسني الضر وانت ارحم الراحمين
اللهم اشفي وليدي من مرض السرطان


الساعة الآن 05:37 .