مراحب بنات

ارجوكم ساعدونني بنات للي عندهم خبرة وسبق لهم الولاده

انا للحين ما ولدت واخاف اطوف موعد ولادتي

بنات شو الاعشاب اللي تنشرب وتساعد رعه الولاده

سمعت عن الزعتر بس ماادري متى ينشرب وقت الطلق ولا قبله ....ساعدوني عفيه

الحلول ينشرب في الشهر التاسع لتنظيف البطن

زيت الخروع في الاسبوع الاخير بس انا مااحبه

وقت الطلق اشربي خلطه فيها ماء زمزم +ماء ورد +جرفه+عسل

هذي ممتازه وقت بداية الالم وانا مجربتنها

والله يسهل ولادتج وعليج بالدعاء والقران
الزعتر قبل الطلق

واذا بدى الطلق شربي عصير برتقال+ملعقة خروع على الريق

والله يقومك بالسلالالالالالالالامه


اعتذر عن قلة تواجدي وذلك لظروفي الخاصة
اختي الغالية من واقع تجربتي مافي اعشاب تسرع الولادة انا جربت كل الاعشاب اللي قالو عنها الاخوات انها تسرع الولادة بس مافاد شي انا ولدانة لي اسبوعين الحين ....
ابحكيلك عن ولادتي انا طاف على موعد ولادتي 3 ايام وبعدها ولدت رحت للطبيبة وقالت لازم تاخذين مغذية تحرك الطلق هذا قبل يوم من ولادتي اخذتها بعد المغرب وبالليل قالت لي اشربي زيت خروع وتعالي بكرة وان شاء الله تولدين وسويت مثل ماقالت وماجات الساعة 2 الليل الا والطلق بدا لين 7 الصبح ووقف الطلق رحت للطبيبة في الصباح وكشفت لقت الرحم مفتوح 3 سم وقالت لازم تدخلين نولدك وجلست من الظهر لين قرب المغرب ومافي طلق الا بسيط وبعدين نزلت الموية وجا الطلق الجد وولدت الساعة 9 بالليل بعد مامت من العوار والحمد لله على كل حال نصيحتي لك لا تشربين اعشاب ولا خرابيط اذا تاخر موعد ولادتك روحي للطبيبة علطول وسوي زي ماتقول لك والله يتمم لك وتولدين بس عليك بالادعية اللي تسهل الولادة تراها تسهل الولادة باذن الله والله يساعدك
مرحبا بنات

اسم غريب: مشكورة اختي بس الحلول مستحيل اشربه وان طول فترة الحمل كان عندي اسهال

ومثلج بعد ما احب زيت الخروع من كثر ما سمعت تجارب وايد ناس انه يسبب اسهال شديد


^^بنت الكويت^^
مشكورة الغاليه والزعتر امي نصحتني فيه بعد بس انا قلت باتاكد بعد متى ينشرب

اما الخروع اذا ملعقه وحده يمكن ينبلع مع العصير بس ماادري متخوفه منه من كثر ما اسمع انه يسبب اسهال



Leen_Faris
هلا اختي لين ومشكورة على ذكر تجربتج

يعني الدكتورة قالت لج اشربي زيت الخروع وبعدين جاج الطلق
واكيد الادعيه والاستغار تلعب دور كبير على تخفيف الالم وتسهيل الولاده


الساعة الآن 01:03 .