السلام عليكم يا أحلى بنات وستات

بصراحة وباختصار انا متزوجة ليا سنة وأطبخ دائما بدون دهن ما استخدم الا زيت الزيتون

في الرز .. الايدامات .. الصواني .. المكرونات ..في أي شي ,,

وطبعا احنا البنات ندور الأشياء السهلة الخفيفة واللزيزة فنفس الوقت والأكل العصري,,

مشكلتي مع زوجي انه يحب اكل بيت أهله ,اكلهم جدا دسم كله زيوت والرز اللي حبته دبه

واللحم والدجاج المحشي وفتة راس وملوخية ناشفة ومدري ايش ..... أوف كله شغل الناس حقون

زمان طبخ جداتنا

وطبخ المصريين عشان طباختهم مصرية .. وكله زيوت عشان الكشنة طبعا ,,

المهم رغم كل الأكل اللي عملته له موعاجبه زي أكل أهله ويبغاني أروح ادخل المطبخ مع أمه

وأتعلم منها


وانا ياجماعة والله نفسيتي تتعب ما أبغ وأقله خلاص أخذ منها الطريقة بالتلفون تقول هيا لأ لاااازم
تشوفي بنفسك عشان تتعلمي

ومرة غصبني ورحت .. بتعلمني كأني لسه مبتدئة أشياء بسيطة كشنة ومدري ايه

ولقيتها بتغسل الدجاج واللحمة بالتايد أول وبعدين بالدقيق والخل وطبعا أنا انصدمت وماقدرت اكل يومها لأاني شفته يتغسل بالتايد ,,
هل هذا عادي ..........!!!!
وبعدها ماعاد رحت ومرة اتضايقت يومها وبان عليا اني مغصوبة


انا أبغ حل من الستات الكبار هنا في المنتدى الروعة دا ايش أعمل ..

ودحين راح أسكن مع أمه في نفس العمارة وطبعا لازم حيخليني أطلع أشوف ..

ومرة على مرة أصير أنا أطبخ لأهله ويااا سلاااام ..... آآآه

أي نصيحة ..
أي معلومة ..
أي خبرة ..
أفيدوني بأي شي أرجوكم ,,

تحياتي للجمييييييييييي ييييييع ,,

حبيبتي انا فهمت مشكلتك وحاااسة فيك
اول شئ اطبخي لزوجك الاكلات اللي هو يحب .. واذا يحب الاكل زفر سوي له الاكل زفر .. يعني اتبعي رغبته في حدود ..
بالنسبة لامه وانك لازم تروحي عندها عشان تعلمك..روحي عندها .. ترا والله يمكن تستفيدي بعدين وتصيري طباخة وانتي ما تدري هذي فرصة وجت لين عندك..انا عارفه انك ماتبغي ومتضايقة بس تحملي وروحي خذي منها طبختين ثلاث وقولي لزوجك خلاص اتعلمت .. واصبري في سبيل ان زوجك يصير يحب طبخك انا والله احيان مكثيييييييييييي يرة نفسي يجيني فرصة اوا اقدر .. اني اشوف ام زوجي وهي تطبخ الاكلة الفلانية ..
لان اكلها حللللو ماشاء الله واتمنى اشوووفها ... وهي تسوي وبرضه زوجي تعجبه بعض اكلات امه .. يا ليت اقدر اوقف معها وهي تطبخ..بجد والله
.. ..واشتري كتاب طبخ.. لااااازم تتعلمي وتحببيه في اكلك وتنسيه اكل اهله
واذا جت تعلمك اشياء سهله زي التقطيع والكشنه قولي لها يا خاله هذي اشياء سهلة اعرفها وريني الطبخة وطريقتها.. بعد انتي بيني لها انك تعرفي مو تجلسين ساكته
وبالنسبة لغسل اللحمة بالتايد ما فيه شئ .. بس الاهم انه لاااازم ينشطف كويس بالموية ..ويفرك بليمون عشان الريحة
والله يوفقك
لازم حبيبتي تصبرين عشان زوجك ونفسك .. تحاملي على نفسك وخذي منها الطبخات وقوليلها شكرا والله يعطيك العافية وروحي بيتك..
والله يسهل لك امورك..
تاااااااااااااا اااايد
الله يعينك يارب
((اللهم ماامسى بي من نعمه او بأحد من خلقك فبمنك وبفضلك فلك الحمد ولك الشكر ))
والله تايد غريبة ما ادري كيف
وزي ما نصحتك اختنا الي قبلي
لازم تتعلمي الطبخ الزفر عشان هوا يعجبو
ومعليش انت حاولي تاكلي وتمشي حالك
وبالنسبة لحماتك انت روحيلها كم يوم
وهيا اصلا حا تطفش
والله يعينك
وترى الاكل الزفر مافي اسهل منووو

بصل وسمن وكشنة وتوم
وهو حيموت في اكلك

والله يعينك
ووسع صدرك
اذا كان يحب اكل امه خذي منها اللي يعجبك واتركي الباقي وممكن تطبخي له الاكل زي ماهو يبغى وانت سويلك الاكل اللي تحبيه اما غسل الاكل بالتايد مضررر لانها هذي ماده كيماويه مصنعه من مواد سامه لتنظيف الحمامات فالاكل يغسل بمواد خاصه تشوفيها في السوبرماركت او الصيدليات وصدقيني شوي شوي رح يتعود على أكلك جوابي عن خبره.


الساعة الآن 06:29 .